ព័ត៌មានជាតិ

កម្លាំងបរិស្ថាន ដឹកនាំដោយលោកស្រី រ៉ា នាយដែនជំរកភ្នំកុក

Posted on Author sph Comment(0)

កម្លាំងបរិស្ថាន ដឹកនាំដោយលោកស្រី រ៉ា នាយដែនជំរកភ្នំកុក
បាត់ដំបងថ្ងៃទី 17 ខែវិច្ឆិកាឆ្នាំ 2022 វេលាម៉ោង 3 រសៀល កម្លាំងបរិស្ថានដឹកនាំដោយលោកស្រី រ៉ានាយដែនជម្រកភ្នំកុកបានចុះបង្ក្រាបបទល្មើសព្រៃឈើ។ដែលមានឈ្មួញឈ្មោះរឿត សុខា ហៅ(យាយមាន់ )ហើយប្ដីឈ្មោះនូ សឿន
ដែលជាឈ្មួញសកម្មនៅក្នុងស្រុកសំឡូត ដោយមានការដឹកជញ្ជូនជារៀងរាល់ថ្ងៃចំនួនពីរជើងឬក៏ 3 ជើងក្នុងមួយថ្ងៃ។
ដោយការចង្អុលបង្ហាញអំពីលោកអភិបាលខេត្ត សុខ លូ អភិបាលនៃគណៈអភិបាលខេត្តបាត់ដំបងបានបញ្ជាកម្លាំងបរិស្ថានស្ថិតនៅឃុំតាតោកស្រុកសំឡូតដែលមានលោកស្រី រ៉ានាយបរិស្ថានជំរកភ្នំកុក បានចុះទៅដល់ទីតាំងដែលស្ថិតនៅភូមិពាមតាឃុំតាតោកស្រុកសំឡូតខេត្តបាត់ដំបង។ក្នុងនោះដែរលោកស្រី រ៉ា បានដឹកនាំកម្លាំងបង្ក្រាបបានចំនួនឈើ 150 ដុំស្មើនឹង 15កិប។
បន្ទាប់ពីបានធ្វើបែបបទសំណុំឯកសារ នឹងដឹកជញ្ជូនឈើមករក្សាទុកនៅក្នុង ទីស្នាក់ការបរិស្ថានដែនជម្រកភ្នំកុកស្រុកសំឡូត ដើម្បីបញ្ជូនទៅតុលាការធ្វើតាមនីតិវិធីនៃច្បាប់។

sph
ខ្ញុំបាទឈ្មោះ សាយ ប៉ូច ភេទប្រុស អាយុ ៤៥ ឆ្នាំ រស់នៅភូមិក្តុល សង្កាត់ក្តុល ក្រុងបាត់ដំបង ខេត្តបាត់ដំបង
http://info@saypouch-hotnews.com

Related Articles
ព័ត៌មានជាតិ

គួរឱ្យទាក់ទាញណាស់ ខេត្តស្ទឹងត្រែងរៀបចំស្លាកសញ្ញាជាទីគោរពសក្ការៈនៅចំណុចសំខាន់ក្នុងខេត្ត ជំនួសឱ្យស្លាកសញ្ញាស្រាបៀរ

Posted on Author sph

(ស្ទឹងត្រែង) ៖ ខណៈនេះ រដ្ឋបាលខេត្តស្ទឹងត្រែង បានរៀបចំដាក់តាំងនូវរូបភាពជាទីគោរពសក្ការៈទាំងឡាយ នៅត្រង់ចំណុចសំខាន់ជាច្រើនកន្លែង នៅក្នុងក្រុងស្ទឹងត្រែង ជំនួសឱ្យរូបភាពស្រាបៀរ ដែលត្រូវបានគេដាក់តាំងបង្ហាញជាច្រើនឆ្នាំកន្លងមកហើយនោះ ។ លោក សរ សុពុត្រា អភិបាលខេត្តស្ទឹងត្រែង បានសរសេរក្នុងក្នុងបណ្តាញសង្គមហ្វេសប៊ុករបស់លោក ដោយអត្ថន័យខ្លី និងភ្ជាប់ដោយរូបភាពខ្លះៗផងដែរថា «រួមគ្នាដើម្បីខេត្តស្ទឹងត្រែង» ។ រូបភាពដែលលោកអភិបាលខេត្ត ដាក់តាំងបង្ហាញទាំងនោះ សុទ្ធសឹងជារូបភាពបង្កប់ដោយអត្ថន័យអប់រំ សីលធម៌ សុជីវធម៌សង្គម ដែលមានការចាប់អារម្មណ៍ខ្លាំង និងទាក់ទាញបំផុតពីសំណាក់មហាជន ដូចជារូបភាពព្រះពុទ្ធជាម្ចាស់ រូបភាពព្រះឆាយាលក្ខមហាក្សត្រ និម្មិតសញ្ញាចរាចរណ៍ និងនិម្មិតសញ្ញាបង្ហាញតំបន់ទេសចរណ៍ជាដើម ។ ជាងនេះទៅទៀត នៅក្នុងផ្ទាំងប៉ាណូដាក់តាំងបង្ហាញធំៗទាំងនោះ ក៏មានដាក់រូបភាពសក្កដានុពលរបស់ខេត្តស្ទឹងត្រែងជាច្រើន ដើម្បីបង្ហាញជូនអ្នកទេសចរជាតិ និងអន្តរជាតិដែលមកលេងកម្សាន្តក្នុងទឹកដីនៃខេត្តស្ទឹងថែមទៀត ។ បើតាមលោកអភិបាលខេត្ត សរ សុពុត្រា នឹងដាក់តាំងបង្ហាញនូវរូបភាពបន្ថែមទៀត នូវអ្វីដែលខេត្តស្ទឹងត្រែងមាន រួមទាំងរូបភាពស្តីពីការអភិវឌ្ឍ ឱ្យបានច្រើននៅតាមទីកន្លែងសំខាន់មួយចំនួន ក្នុងគោលបំណងបណ្តុះស្មារតីជាតិនិយមដល់ក្រុមយុវជនជំនាន់ក្រោយតៗគ្នា ។ សូមបញ្ជាក់ផងដែរថា នេះជាលើកដំបូងហើយ ដែលខេត្តស្ទឹងត្រែង បានដាក់តាំងបង្ហាញនូវរូបភាពដ៏គួរឱ្យទាក់ទាញបែបនេះនៅតាមទីសាធារណៈ ជំនួសឱ្យរូបភាពស្រាបៀរផ្សេងៗ ៕
ព័ត៌មានជាតិ

បឹងធម្មជាតិមួយកន្លែងនៅភូមិអូស្ពានសង្កាត់ស្ពានមានជ័យកំពុងប្រឈមនឹងហានិភ័យ

Posted on Author sph

ខេត្តមណ្ឌលគិរី ÷ប្រជាពលរដ្ឋដែលរស់នៅ និងមានដីធ្លីជាប់ និងក្បែរៗបឹងធម្មជាតិមួយកន្លែងដែលមានទីតាំង នៅខាងក្រោយរីហ្សតលោកឧកញ៉ាល័ក្ខ ស្ថិតក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តបណ្ឌលគិរី នាថ្ងៃទី ២៣ មករា ឆ្នាំ២០២៣ នេះ បានសម្ដែងការមិនសប្បាយចិត្ត ខណៈគ្រួសារដែលមាន ទ្រព្យធនស្ដុកស្ដម្ភមួយបានប្រើប្រាស់គ្រឿងចក្រកាយដីដើម្បីលុបបឹងនោះ ។ អ្នកភូមិនៅក្បែរតំបន់នោះនិយាយថា បឹងខាងលើគឺជាទីទំនាបដែលទទួលទឹកពីប្រភពអូរជាច្រើន។ បឹងនេះមាន ទឹកមិន ដែលរីងទេ ហើយល្ហាចល្ហឹមក្លាយជាបឹងនារដូវវស្សា។ វាជាប្រភពទឹកដ៏សំខាន់ក្នុងការលំហែរកម្សាន្ត ធ្វើឲ្យទីនោះត្រជាក់ និងសម្រាប់បម្រើដល់ការស្រោច ស្រពផងដែរ។ ប៉ុន្តែមកដល់ពេលនេះបឹងធម្មជាតិមួយកន្លែងនេះកំពុងប្រឈមនឹងហានិភ័យដោយសារតែអ្នកមានលុយកំពុងតែចាក់លុបបឹងនេះជាបណ្ដើរៗហើយ។ ប្រភពពីប្រជាពលរដ្ឋបានឲ្យដឹងថា អ្នកដែលមាន អំណាចជាន់ផ្អៀងក្រុងសែនមនោរម្យហ៊ានចាក់ដីលុបបឹងនេះ គឺអ្នកស្រីជួន សំនៀង ។ អ្នកស្រីជួន សំនៀងគឺជាកូនស្រីលោកជួន សំបុក ។ លោកជួន សំបុកគឺជាសមាជិកក្រុមប្រឹក្សាស្រុកឱរាំងខេត្តមណ្ឌលគិរីដែលល្បីល្បាញខាងដើរចាប់យកដីគេឆៅៗតែម្ដង។ យ៉ាងណាក៏ដោយអ្នកស្រី ជួន សំនៀង ដែលរងការ ចោទមានគម្រោងលុបបឹងនោះបានថ្លែងឲ្យដឹងថា វាគ្រាន់តែជាការយល់ច្រឡំប៉ុណ្ណោះ តាមពិតអ្នកស្រីគ្រាន់តែចាក់ដីធ្វើផ្លូវទៅកាន់កញ្ចុះដើម្បីអង្គុយលេងទេ ព្រោះខែវស្សាទឹកលិចពិបាកដើរ ។ អ្នកស្រីថា អ្នកស្រីក៏ទទួលបានផលប្រយោជន៍ពីបឹងនេះដែរ ទាំងផ្ដល់ភាព ត្រជាក់ ស្រោចស្រពដំណាំ […]
ព័ត៌មានជាតិ

សត្វពស់ជាច្រើនត្រូវបានដាក់លក់នៅចិញ្ចើមផ្លូវនៅផ្សារកូនដំរីក្បែរសង្កាត់រដ្ឋបាលព្រៃឈើអូរជ្រៅស្ថិតនៅក្នុងសង្កាត់និមិត្ត ក្រុងប៉ោយប៉ែត

Posted on Author sph

សត្វពស់ជាច្រើនត្រូវបានដាក់លក់នៅចិញ្ចើមផ្លូវនៅផ្សារកូនដំរីក្បែរសង្កាត់រដ្ឋបាលព្រៃឈើអូរជ្រៅស្ថិតនៅក្នុងសង្កាត់និមិត្ត ក្រុងប៉ោយប៉ែត   ខេត្តបន្ទាយមានជ័យ ៖ សត្វពស់ជាច្រើនក្បាលត្រូវបានដាក់លក់ជារៀងរាល់ល្ងាចនៅចិញ្ចើមនៅផ្លូវផ្សារកូនដំរីក្បែរសង្កាត់រដ្ឋបាលព្រៃឈើអូរជ្រៅដែលស្ថិតភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។   នៅពេលបងប្អូនធ្វើដំណើរតាមផ្លូវជាតិលេខ៥បែកផ្លូវទៅស្រុកម៉ាឡៃនៅចំណុចផ្សារកូនដំរី គេឃើញមានសត្វពស់រស់និងងាប់ និងសត្វស្លាប,អណ្តើក និងសត្វព្រៃមួយចំនួនទៀត ត្រូវបានដាក់លក់ជាប្រចាំនៅរាល់ល្ងាច សម្រាប់អ្នកដំណើរដែលឆ្លងកាត់ម្តុំនោះ ចូលទិញសត្វព្រៃដែលអ្នកចំណូលចូលចិត្តបរិភោគ។   ជាក់ស្តែងគេឃើញសត្វពស់រស់ដែលដាក់ថង់ស្បៃលក់ ដែលមានប្រភេទពស់សាំងសឿ និងពស់ពឹស ដូចជាមានពស់វែកមានទម្ងន២ទៅ៣គីឡូក្រាម,ខ្លៈមានទម្ងន់ដល់៤ទៅ៥គីឡូក្រាមមានភាគតិច…ដែលកំពុងដាក់លក់ដែលពស់សាំងសឿដែលមានម្ងន់២ទៅ៣គីឡូក្រាមក្នុង១គីឡូក្រាមតំលៃ៥០.០០០ម៉ឺនរៀល និងពស់សាំងសឿទម្ងន់ជាង១គីឡូក្រាមលក់តំលៃ៣០.០០០រៀល។   អ្នកលក់បានប្រាប់ថា សត្វព្រៃដែលគាត់លក់មានរស់និងងាប់ជាប្រភេទពស់សាំងសឿទិញចូល១គីឡូក្រាមតំលៃ ៤៥.០០០រៀល,បើតូច១គីឡូក្រាមតំលៃ៣០.០០០រៀល លក់ចេញធំ១គីឡូក្រាមតំលៃ៥០.០០០រៀល និងតូច ១គីឡូក្រាមតំលៃ៣០.០០០រៀល ហើយសត្វព្រៃដែលលក់នេះគាត់ទិញពីប្រជាពលរដ្ឋ រកបានដូចជាពស់សាំងនិងពស់វែកជាប់មងបានយកមកលក់។   អ្នកធ្វើដំណើរនិយាយថា នៅពេលគាត់ឆ្លងកាត់ផ្សារកូនដំរីដែលជាកន្លែងលក់សត្វព្រៃឃើញមានលក់ ដូចជាពស់រស់និងងាប់ និងសត្វស្លាប ដែលគេសម្លាប់រួចហើយយកមកលក់ ពិតជាសោកស្តាយសត្វព្រៃ។   ប្រពលរដ្ឋសំណូមពរមន្ត្រីខណ្ឌរដ្ឋបាលព្រៃឈើខេត្តបន្ទាយមានជ័យ និងសង្កាត់រដ្ឋព្រៃឈើស្រុក/ក្រុងត្រូវបានវិធានបង្ក្រាបអ្នកលក់សត្វព្រៃចំណុចផ្សារកូដំរី ក្រុងប៉ោយប៉ែត ដើម្បីទប់ស្កាត់បទល្មើសសត្វព្រៃ និងអភិរក្សាទុក និងត្រូវអោយបញ្ឈប់សកម្មភាពលក់សត្វព្រៃ៕

Leave a Reply

Your email address will not be published. Required fields are marked *