(ព្រះសីហនុ) ៖ នៅថ្ងៃអាទិត្យ ទី០៥ ខែឧសភា ឆ្នាំ២០២៤ កាលពីវេលាម៉ោងប្រមាណជិត ០៩ ព្រឹក មានករណីអគ្គិភ័យឆេះរថយន្ដ ០១ គ្រឿង នៅក្បែស្ថានីយប្រេង TELA សំរុង ជាប់ផ្លូវជាតិលេខ៤ ស្ថិតនៅចំណុចភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ។
រថយន្តដែលត្រូវបានឆេះខាងលើ ប្រភេទរថយន្តម៉ាក TOYOTA CAMRY ពណ៌ប្រផេះ ពាក់ផ្លាកលេខ ភ្នំពេញ 2E-7727 ។
ប្រភពព័ត៌មាន បានបញ្ជាក់ថា ម្ចាស់រថយន្តមានឈ្មោះ ចៅ រាម ភេទប្រុស អាយុ ២៩ ឆ្នាំ មានទីលំនៅរស់នៅភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ ។
ចំពោះមូលហេតុ គឺបណ្តាលមកពីផ្ទុះក្បាលអាគុយ ក្រោយពីបញ្ចូលហ្គាស ហើយម្ចាស់រថយន្តដេ ក៏ផ្ទុះក្បាលអាគុយ បង្កឱ្យការឆាបឆេះតែម្ដង ។
ហេតុការណ៍នេះដែរ មិនមានមនុស្សរងរបួសនោះទេ តែបណ្តាលឱ្យរថយន្ត ០១ គ្រឿង រងការខូចខាតផ្នែកខាងមុខអស់ប្រហែល ៣០ ភាគរយ ។
ក្នុងហេតុការណ៍ខាងលើនេះដែរ ក៏មានការអន្តរាគមន៍ពី កម្លាំងរបស់អធិការដ្ឋាននគរបាលស្រុកព្រៃនប់ បានសហការជាមួយកម្លាំងប៉ុស្ដិ៍នគរបាលរដ្ឋបាលសំរុង បានយករថយន្ដពន្លត់អគ្គិភ័យរបស់អធិកាដ្ឋាន ចំនួន ០១ គ្រឿង បានប្រើប្រាស់ទឹកអស់ ចំនួន ០១ គ្រឿង និងបំពង់ពន្លត់អគ្គិភ័យអស់ ចំនួន ០៤ ធុង បានរលត់ទាំងស្រុង ៕
