ក្រសួងកសិកម្ម ប្រកាសថា បានជួបកូនផ្សោតកើតថ្មី នៅអន្លង់កាំពី ខេត្តក្រចេះ នាថ្ងៃទី ១១ កុម្ភៈ ឆ្នាំ២០២៤

(ភ្នំពេញ) ៖​ តាមរយៈក្រសួង​កសិកម្ម រុក្ខាប្រម៉ាញ់ និង​នេសាទ បានឲ្យដឹងថា កូនសត្វផ្សោតទើបកើតថ្មីមួយក្បាល មានអាយុប្រមាណជា២ថ្ងៃ ត្រូវបានប្រទះឃើញដោយក្រុមឆ្មាំទន្លេ ក្រុមការងារស្រាវជ្រាវនៃរដ្ឋបាលជលផល និងអង្គការ WWF នៅវេលាម៉ោងប្រមាណ ១០ និង៤៥នាទី នាថ្ងៃទី១១ ខែកុម្ភៈ ឆ្នាំ២០២៤ នៅអន្លង់កាំពី ជ្រោយបន្ទាយ ភូមិសំបុក ឃុំសំបុក ស្រុកចិត្របុរី ខេត្តក្រចេះ។

កូនផ្សោតនេះ ស្ថិតក្នុងហ្វូងសត្វផ្សោត ០៦ក្បាល ផ្សេងទៀត។ នេះគឺជាកូនផ្សោតទី១ ដែលកើតក្នុងឆ្នាំ២០២៤។

ជាមួយគ្នានេះ ក្រសួងកសិកម្ម ក៏ស្នើឲ្យប្រជាពលរដ្ឋ ពិសេសអ្នកនេសាទ ប្រសិនបើបានប្រទះឃើញវត្តមានសត្វផ្សោត សូមផ្តល់ព័ត៌មានមកសមត្ថកិច្ចជលផល ដែលមានលេខទូរស័ព្ទ 012897943, 011355883, 099791919, 092918144, 017818382, និង 012908121៕