បាត់ដំបង:ថ្ងៃទី០៥ ខែតុលាឆ្នាំ ២០២៣ ទីតាំងមួយកន្លែងនេះគឺត្រូវបានគេសង្ស័យថាមិនមានច្បាប់អនុញ្ញាតត្រឹមត្រូវចេញពីរដ្ឋបាលក្រុងបាត់ដំបង
យើងដឹងហើយថារដ្ឋបាលស្រុក.ក្រុងធ្វើការប្តេជ្ញាចិត្ត រួមគ្នាអនុវត្តតួនាទី-ភារកិច្ច
ឲ្យបានខ្ជាប់ខ្ជួន ក្នុងការទប់ស្កាត់បទល្មើសសំណង់ នៅក្នុងដែន
សមត្ថកិច្ចដើម្បីរួមចំណែកស្តារ និងអភិវឌ្ឍន៍ទីក្រុង ឲ្យមានសណ្តាប់ធ្នាប់របៀបរៀបរយ និងធានាបាននូវសោភ័ណភាព នគរូបនីយកម្ម ស្របតាលិខិតបទដ្ឋានគតិយុត្តជាធរមាននិងរួមគ្នាទប់ស្កាត់ការសាងសង់គ្មានលិខិតអនុញ្ញាត ឲ្យបានជាដាច់ខាត ក្នុងនោះ
រដ្ឋបាលស្រុក.ក្រុងត្រូវយកចិត្តទុកដាក់ណែនាំម្ចាស់សំណង់ ឲ្យបំពេញសំណុំបែបបទស្នើសុំ
លិខិតអនុញ្ញាតសាងសង់ ទៅតាមការកំណត់របស់លិខិត
បទដ្ឋានគតិយុត្តដែលមានជាធរមាននិងត្រួតពិនិត្យ ទប់ស្កាត់ ឲ្យបានទាន់ពេវេលា ចំពោះសំណង់ដែលសាងសង់ខុសពីលិខិតអនុញ្ញាតព្រមទាំង
តាមដានជាប់ជាប្រចាំ នូវរាល់សំណង់ដែលបានណែនាំឲ្យផ្អាកការដ្ឋាន រហូតដល់ម្ចាស់សំណង់ទទួលបានលិខិតអនុញ្ញាតសាងសង់
ត្រឹមត្រូវពីសមត្ថកិច្ចជំនាញជាមុនសិន ទើបអនុញ្ញាតឲ្យម្ចាស់សំណង់បន្ត
ចំពោះសំណង់ដែលបានសាងសង់រួចហើយ ដោយគ្មានលិខិត
អនុញ្ញាតសាងសង់ នឹងត្រូវធ្វើការណែនាំ ដើម្បីឲ្យម្ចាស់សំណង់ ដាក់
ពាក្យស្នើសុំធ្វើនិយ័តកម្មស្របតាមនីតិវិធី ក្របខ័ណ្ឌគតិយុត្ត និងការសាងសង់
ក្នុងក្របខណ្ឌបច្ចេកទេសសមស្របរួមទាំង
សកម្មភាពកែលម្អជាប្រចាំ ក្នុងការកំណត់ការប្រើប្រាស់ចិញ្ចើមផ្លូវ ដើម្បី
ដោះស្រាយឲ្យខានតែបាន ចំពោះសំណង់អនាធិបតេយ្យ ការតសំយាប ការបិទបាំង ការផ្សាយពាណិជ្ជកម្ម ឬសកម្មភាពទាំងឡាយណាដែលគ្មានការអនុញ្ញាត។
ទន្ទឹមនឹងនេះរដ្ឋបាលស្រុកក្រុង ត្រូវចូលរួមគ្រប់គ្រង រៀបចំ និងថែទាំចិញ្ចើមផ្លូវ
ដងផ្លូវ ដើមឈើ បង្គោលភ្លើង បណ្តាញក្រោមដី និងបរិក្ខាបម្រើផល
ប្រយោជន៍សេវាសាធារណៈនានា។
បើយើងតាមអនុក្រឹត្យស្ដីពីការគ្រប់គ្រងចំណីតាមបណ្ដោយផ្លូវជាតិ និងផ្លូវរថភ្លើងនៅព្រះរាជាណាចក្រកម្ពុជារបស់រាជរដ្ឋាភិបាលកម្ពុជា។
បានឃើញអនុក្រឹតលេខ ៨៦ អនក្រ.បកចុះថ្ងៃទី៩ខែធ្នូឆ្នាំ១៩៩៧ ស្ដីពីលិខិតអនុញ្ញាតសាងសង់។
ក្នុងមាត្រា ៩ ស្ដីអំពីចំណីផ្លូវរថភ្លើងក្រៅរាជធានី ក្រុងទីប្រជុំជនត្រូវមានប្រវែង ៣០(សាមស៉ិប)ម៉ែត្រ ពីសងខាងអក្ស័រផ្លូវដែក។
ពលរដ្ឋស្នើសុំដល់ឯកឧត្តម សុខ លូ អភិបាលខេត្តបាត់ដំបង ជាពិសេសគឺលោក លាងវាសនា អភិបាលនៃគណៈអភិបាលក្រុងបាត់ដំបង
សូមលោកបានជួយចាត់បញ្ជូនមន្ត្រីជំនាញចុះទៅមើលក៏ដូចជាជួយអន្តរាគមន៍ផងទាន។
អង្គភាពយើងខ្ញុំរង់ចាំចំណាត់ការ និងស្រាយបំភ្លឺរៀងរាល់ម៉ោងធ្វើការ៕
