ព័ត៌មានសន្តិសុខសង្គម

(កំពង់ឆ្នាំង) ៖ ជនសង្ស័យ ៣នាក់ ត្រូវកម្លាំងសមត្ថកិច្ចនគរបាលការិយាល័យប្រឆាំងគ្រឿងញៀនខេត្តកំពង់ឆ្នាំង សហការជាមួយកម្លាំងអធិការដ្ឋានស្រុកកំពង់ត្រឡាច ធ្វើការឃាត់ខ្លួនជាបន្តបន្ទាប់ ពីបទរក្សាទុក ជួញដូរ សមគំនិត និងប្រើប្រាស់គ្រឿងញៀន ។ ជនសង្ស័យទាំង​ ៣នាក់​ ដែលត្រូវសមត្ថកិច្ចឃាត់ខ្លួននេះ រួមមាន៖ ១,ឈ្មោះ ម៉ិញ ធីម ភេទប្រុស អាយុ ២២ឆ្នាំ ជនជាតិខ្មែរ មុខរបរមិនពិតប្រាកដ ២, ឈ្មោះ សូត្រ វី ភេទប្រុស អាយុ ២២ឆ្នាំ ជនជាតិខ្មែរ មុខរបរមិនពិតប្រាកដ ៣, ឈ្មោះ ភឿន ចិន ភេទប្រុស អាយុ ២៦ឆ្នាំ ជនជាតិខ្មែរ មុខរបរកសិករ ។ ជនសង្ស័យទាំងអស់ខាងលើ មានទីលំនៅក្នុងភូមិអន្លង់ត្នោត ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ។ លោក ហ៊ុល វាសនា ស្នងការរងនគរបាលខេត្តកំពង់ឆ្នាំង បានឱ្យដឹងថា ជនសង្ស័យត្រូវបានឃាត់ខ្លួននៅថ្ងៃទី១ […]

(ភ្នំពេញ) ៖ យុវជន​ម្នាក់ ដើរ​ទៅ​អើតមើល​រថយន្ត​គេ​ចត​ទុក ត្រូវ​សន្តិសុខ​ឃើញ​សង្ស័យ​ស្មាន​ថា​ជា​ចោរ ក៏​យក​ដំបង​វាយ​ជើង​បណ្ដាល​ឱ្យ​រង​របួស​ដេក​ដួល​ស្ដូកស្ដឹង​នៅ​ចិញ្ចើម​ផ្លូវ​ស្តុប​លូ ។ ហេតុការណ៍​នេះ បាន​កើតឡើង​ កាលពី​វេលា​ម៉ោង ០៧ ៖ ៣០ នាទី​ព្រឹក ថ្ងៃ​ទី០២ ខែ​កញ្ញា ឆ្នាំ២០២៤ ស្ថិត​នៅ​តាម​បណ្ដោយ​ផ្លូវ​វេង​ស្រេង សង្កាត់​ស្ទឹងមានជ័យ​ទី៣ ខណ្ឌ​មានជ័យ រាជធានី​ភ្នំពេញ ។ បុរសដែល​រង​របួស​ខាងលើ មាន​ឈ្មោះ ឡេង តយ អាយុ ២៦ឆ្នាំ មុខរបរ​កម្មករ​ដេរ​ខោ​អាវ​ស៊ី​ថ្ងៃ មាន​ស្រុក​កំណើត​នៅ​ឯ​ខេត្ត​ត្បូងឃ្មុំ ។ បើ​យោង​តាម​ការ​បញ្ជាក់​ពី​យុវជន​រង​គ្រោះ​ខាងលើ​ បាន​ឱ្យ​ដឹង​ថា ព្រឹក​មិញ​នេះ​រូប​គាត់​បាន​ដើរ​តាម​បណ្ដោយ​ផ្លូវ៣៧១ សឡា ខណៈ​ដើរ​ហត់​ពេក​ក៏បាន​ឈប់​សម្រាក​ក្បែរ​រថយន្ត​ ១​គ្រឿង ​ដែល​ម្ចាស់​ចត​ទុក​នៅមុខ​ការ៉ាស់​សាំង​មួយ​កន្លែង ។ ខណៈ​នោះ​ដែរ ក៏​ស្រាប់​តែ​មាន​សន្តិសុខ​យាម​នៅ​ទីនោះ​ឃើញ ស្មាន​តែ​រូបគាត់​បម្រុង និង​លួច​សម្ភារៈ​ក្នុង​រថយន្ត សន្តិសុខ​នោះ ក៏​ទាញ​ដំបង​ដែក​រលាស់​វាយ​ទៅ​លើ​ជើង​ខាងស្ដាំ​ជាច្រើន​ដំបង បណ្ដាល​ឱ្យ​បែក​ស្មងជើង​រង​របួស​ធ្ងន់ ។ ភ្លាមៗ យុវជន​រូប​នោះ ក៏បាន​ព្យាយាម​ដើរ​រហូតដល់​ស្តុប​លូ៥ នៅ​ផ្លូវ​វេង​ស្រេង ទើប​ដេក​ដួល​ដើរ​ទៅ​មុខ​លែង​រួច ។ បច្ចុប្បន្ន យុវជន​ខាងលើ […]

សិស្ស​អនុវិទ្យាល័យ​កំបូល ២នាក់ ជិះ​ម៉ូតូ ១គ្រឿង ឌុប​គ្នា ធ្វើ​ដំណើរ​ឆ្លង​ផ្លូវ ជ្រុល​បុក​ជាមួយ​ម៉ូតូ​មិន​ចាំ​ម៉ាក ១គ្រឿង​ទៀត បណ្ដាល​ឱ្យ​ដួល ខណៈ​នោះ​ក៏​មាន​រថយន្ត​ម៉ាក​ហ៊ី​យ៉ាន់​ដាយ​ដឹក​ទំនិញ ១គ្រឿង ដែល​គេ​ស្គាល់​ថា​ជា​របស់​កង​ដឹកជញ្ជូន HC បើកបរ​ក្នុង​ល្បឿន​លឿន​ទៅ​ដល់ ក៏​បុក និង​កិន​ជនរងគ្រោះ​ស្លាប់​នៅ​ក្រោម​រថយន្ត​យ៉ាង​រន្ធត់​តែម្ដង ។ ហេតុការណ៍​នេះ​ បាន​កើតឡើង​ កាលពី​វេលា​ម៉ោង ៧ ៖ ៤០នាទីព្រឹក ​ថ្ងៃ​ទី២៨ ខែ​សីហា ឆ្នាំ២០២៤ នៅ​តាម​ផ្លូវជាតិ​លេខ៤ មុខ​ផ្សារ​កំបូល ភូមិ​ព្រៃ​បឹង សង្កាត់​កន្ទោក ខណ្ឌ​កំបូល រាជធានី​ភ្នំពេញ ។ ជនរងគ្រោះ ទី​១.ឈ្មោះ ញ៉ឹក សុភាស់​បូទី ភេទ​ស្រី អាយុ ១៦ឆ្នាំ ជា​សិស្ស​ថ្នាក់​ទី៧ រៀន​នៅ​អនុវិទ្យាល័យ​កំបូល មាន​ទីលំនៅ​ភូមិ​ត្រពាំង​គល់ សង្កាត់​កន្ទោក ខណ្ឌ​កំបូល និងទី២.ឈ្មោះ ច ម ក ភេទ​ស្រី អាយុ ១៤ឆ្នាំ រៀន​ថ្នាក់​ទី៧ ជាមួយគ្នា មាន​ទីលំនៅ​ភូមិ​ស្ងួន​ពេជ្រ […]

យ៉ាងហោចណាស់​មាន​មនុស្ស ២ នាក់ បាន​ស្លាប់ និង​មនុស្ស​ប្រុស-ស្រី ២៥ នាក់​ទៀត រង​របួស​ធ្ងន់-ស្រាល ក្នុង​ហេតុការណ៍​គ្រោះថ្នាក់​ចរាចរណ៍ រវាង​រថយន្ត​សាំង​យ៉ុង ដឹក​កម្មករ​រោងចក្រ និង​រថយន្ត​កុងតឺន័រ កាលពី​វេលា​ម៉ោង ៧ និង ៥០ នាទី ព្រឹក​ថ្ងៃ​ទី ២៨ ខែ​សីហា ២០២៤ ស្ថិត​នៅ​លើ​កំណាត់​ផ្លូវ​ជាតិ​លេខ៤ ត្រង់​ចំណុច​ក្បែរ​វិទ្យាល័យ​ស្រុក​កំពង់​សិលា ស្រុក​កំពង់​សិលា ខេត្ត​ព្រះសីហនុ ។ យោងតាមសមត្ថកិច្ច ​បាន​ឱ្យ​ដឹង​ថា ភាគី​ខាង​រថយន្ត​កូរ៉េ ដឹកទំនិញ ក្បាល​ពណ៌​ស ពាក់​ផ្លាក​លេខ កោះកុង 3A-0815 មាន​ទិសដៅ​ពី​ខេត្ត​ព្រះសីហនុ​ឆ្ពោះ​ទៅ​ភ្នំពេញ អ្នក​បើកបរ​បាន​រត់​គេច​ខ្លួន​បាត់ ។ រីឯ​ភាគី​ខាង​រថយន្ត​សាំងយ៉ុង ដឹក​កម្មករ ពាក់​ផ្លាក​លេខ កំពត 2A-1524 បើកបរ​ដោយ​ឈ្មោះ ផាន ភ័ក្រ ភេទ​ប្រុស អាយុ ៤១ ឆ្នាំ របួសធ្ងន់ បញ្ជូន​ដល់​មន្ទីរពេទ្យ (​ស្លាប់​) មាន​ទីលំនៅ​ភូមិ​វាល ឃុំ​កំពង់​សីលា ស្រុក​កំពង់សីលា […]

(កោះកុង) ៖ សត្វផ្សោតដ៏ធំ 0១ ក្បាល បានហិចហែលបង្ហាញខ្លួនលេងតាមព្រៃកោងកាង សង្ស័យហែលបែកហ្វូង ត្រូវជាប់ឫសដើមកោងកាង ជិត 0២ ម៉ោង ទៅមុខលែងរួច ក្នុងតំបន់ទឹករាក់ ក្រោយភូមិប្រជានេសាទ ។ ហេតុការណ៍នេះ បានបង្កការផ្ញាក់ផ្អើលដល់អ្នកភូមិក្នុងដែនសហគមន៍ពាមក្រសោប ខណៈពួកគាត់កម្របានឃើញ ។ មន្ត្រីជំនាញផ្នែករដ្ឋបាលជលផល អះអាងថា បន្ទាប់ពីទទួលបានការរាយការណ៍ពីពលរដ្ឋភ្លាម ក្រុមមន្ត្រីជំនាញ និងពលរដ្ឋក្នុងសហគមន៍ពាមក្រសោប ក៏ប្រញាប់នាំគ្នាជួយសង្គ្រោះដឹកទៅលែងនៅតំបន់ទឹកជ្រៅ ស្ថិតក្នុងឃុំពាមក្រសោប ស្រុកមណ្ឌលសីមា ខេត្តកោះកុង ។ បើតាម លោក ផៃ សាវិន នាយសង្កាត់រដ្ឋបាលជលផលស្មាច់មានជ័យ បានឱ្យដឹងនៅថ្ងៃទី២៧ ខែសីហា ឆ្នាំ២០២៤ នេះថា សត្វផ្សោត ០១ ក្បាល ជាប្រភេទ Risso’s Dolphin មានប្រវែង ២,៤០ ម៉ែត្រ ទម្ងន់ប្រមាណ ១២០ គីឡូក្រាម ។ នៅចំណុចលើក្បាលវា មានស្នាមរបួសមុតនឹងសំបកខ្យង និងឫសដើមកោងកាង អំឡុងពេលទឹកជោរ […]

(ភ្នំពេញ) ៖ ក្រោយបញ្ចប់ការសួរនាំ នៅរសៀលថ្ងៃទី២២ ខែសីហា ឆ្នាំ២០២៤ នេះ នាយកដ្ឋាននគរបាលព្រហ្មទណ្ឌ បានបញ្ជូនខ្លួនស្ដ្រីជនសង្ស័យឈ្មោះ ម៉េង លីហ័រ ហៅ Yubee Ly ទៅកាន់សាលាដំបូងរាជធានីភ្នំពេញ ។ អំពីចំណាត់ការតាមផ្លូវច្បាប់លើស្ដ្រីម្នាក់ ដែលបានប្រើប្រាស់គណនី Facebook ឈ្មោះ Yubee Ly ហើយបង្ហោះវីដេអូប្រើប្រាស់អាវុធដោយខុសច្បាប់ ដោយភ្ជាប់ជាមួយខ្លឹមសារ «អូនកាចចឹងធ្វើប្រពន្ធបងបាននៅ» ។ ក្រោយឃើញការបង្ហោះបែបនេះ ដោយអនុវត្តតាមបទបញ្ជារបស់ ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, កម្លាំងការិយាល័យព្រហ្មទណ្ឌកម្រិតស្រាល នៃនាយកដ្ឋាននគរបាលព្រហ្មទណ្ឌ ដឹកនាំដោយ លោកឧត្តមសេនីយ៍ត្រី វុទ្ធី វង្សវិបុល និងលោកវរសេនីយ៍ទោ វុធ ស៊ែ អនុប្រធាននាយកដ្ឋាន និង លោកវរសេនីយ៍ឯក ឡេង ប៊ុនហួរ នាយការិយាល័យ បានធ្វើការស្រាវជ្រាវបន្ទាន់ភ្លាមៗប្រកបដោយការយកចិត្តទុកដាក់ខ្ពស់ ។ ប្រហែល ០១ ម៉ោង ក្រោយការបង្ហោះ ក្រោមការសម្របសម្រួលនីតិវិធីពី […]

ហេតុការណ៍នេះបង្កឱ្យមានការភ្ញាក់ផ្អើល កាលពីរវេលាម៉ោង ១២ ៖ ៤៥ នាទីរសៀល ថ្ងៃទី២៥ ខែកក្កដា ឆ្នាំ២០២៤ ស្ថិតនៅចំណុចស្ពានត្រពាំងប្រីយ៍ ខាងលិចភូមិថ្លុកក្រាច  ភូមិថ្លុកត្រាច ឃុំកក់ ស្រុកពញាក្រែក ខេត្តត្បូងឃ្មុំ ។ តាមការបញ្ជាក់ពីកន្លែងកើតហេតុ បានឱ្យដឹងថា រថយន្តធ្លាក់ក្នុងទឹកនោះមានជាប់មនុស្សម្នាក់នៅក្នុងរថយន្ត (ស្លាប់) ។ សពជនរងគ្រោះមានឈ្មោះ កុយ  សោភ័ណ្ឌ ភេទប្រុស អាយុ ៦៤ ឆ្នាំ រស់នៅភូមិអភិវឌ្ឍន៍ សង្កាត់ឡាបានសៀក ក្រុងបបានលុង ខេត្តរតនៈគីរី ។ បច្ចុប្បន្ន សមត្ថកិច្ចកំពុងតែទំនាក់ទំនងទៅសាច់ញាតិ ដើម្បីមកទទួលយកសពយកទៅធ្វើបុណ្យតាមប្រពៃណី ៕

(ភ្នំពេញ) ៖ រថយន្ត ០២ គ្រឿង បានរងការខូចខាតទាំងសងខាង ក្នុងករណីបើករថយន្តបុកគ្នា នៅផ្លូវបំបែកជាបួន ក្នុងទឹកដីខណ្ឌសែនសុខ តែសំណាងល្អមិនបង្កឱ្យមានអ្នករងរបួសនោះទេ ។ ហេតុការណ៍នេះ បានកើតឡើង កាលពីវេលាម៉ោង ១២ ៖ ៣០ នាទីយប់ រំលងអធ្រាត្រ ឈានចូលថ្ងៃទី៨ ខែកក្កដា ឆ្នាំ២០២៤ ។ បើតាមប្រភពព័ត៌មាននៅកន្លែងកើតហេតុ បានឱ្យដឹងថា នៅមុនកើតហេតុគេឃើញបុរសម្នាក់បើករថយន្តម៉ាកតាកូមា ០១ គ្រឿង ពណ៌ទឹកប្រាក់ ពាក់ផ្លាកលេខ ភ្នំពេញ 2BD-1895 ធ្វើដំណើរតាមបណ្ដោយផ្លូវ១៩៦៦ ក្នុងទិសដៅពីលិចទៅកើត លុះធ្វើដំណើរមកដល់ផ្លូវបំបែកជាបួនកែងជាមួយផ្លូវ២០១១ ក៏មានបុរសម្នាក់បើករថយន្តស៊េរីទំនើបម៉ាកអាល់ហ្វាត ពណ៌ខ្មៅ ពាក់ផ្លាកលេខ កម្ពុជា VTS.1819 ធ្វើដំណើរក្នុងទិសដៅពីត្បូងទៅជើង មកបុកពេញទំហឹង បណ្ដាលឱ្យរថយន្តបង្កខ្លួនឯង រងការខូចខាតខ្ទេចមួយកំណាត់មុខ ឯរថយន្តតាកូម៉ារងការខូចខាតខូចទ្វារ ចំនួន ០២ ចំហៀងខាងស្ដាំ តែមិនបង្កឱ្យមានអ្នករងរបួសនោះទេ ។ ក្រោយកើតហេតុក៏មានវត្តមានរបស់សមត្ថកិច្ចមូលដ្ឋាន បានចុះដល់ទីតាំងកន្លែងកើតហេតុ ធ្វើការសម្របសម្រួលជូនភាគីទាំងពីរ ដោយភាគីរថយន្តបង្ករ ព្រមចេញថ្លៃការខូចខាតដល់រថយន្តតាកូម៉ា […]

(បាត់ដំបង) ៖ រថយន្តដឹកឈើ ០១ គ្រឿង សុទ្ធតែប្រភេទមុខធំៗ ត្រូវបានកម្លាំងមន្រ្តីឧទ្យានុរក្សប្រចាំការស្នាក់ការច្រកចង្អៀត បានសហការជាមួយសមត្ថកិច្ចប្រចាំការស្នាក់ការថ្មដា និងអង្គការសម្ព័ន្ធមិត្តសត្វព្រៃ (W.A) ប្រចាំស្នាក់ការល្បាតច្រកចង្អៀត នៅត្រង់ចំណុចភូមិសាស្រ្តមុខស្នាក់ការច្រកចង្អៀត ស្ថិតក្នុងភូមិព្រៃធំ ឃុំកំពង់ល្ពៅ ស្រុកសំឡូត នាថ្ងៃទី១០ ខែមិថុនា ឆ្នាំ២០២៤ ។ មន្ត្រីពាក់ព័ន្ធដែលចុះបង្ក្រាប បានប្រាប់អ្នកសារព័ត៌មានថា រថយន្តដឹកឈើដែលរងការបង្ក្រាបនេះ មានទិសដៅឆ្ពោះពីខេត្តពោធិ៍សាត់ និងបន្តដំណើរឆ្លងកាត់ស្នាក់ការរងច្រកចង្អៀត ហើយត្រូវកម្លាំងមន្រ្តីឧទ្យានុរក្ស បានធ្វើការឃាត់តែម្ដង ។ មន្ត្រីខាងលើ បានបន្តថា ក្រោយពីបានពិនិត្យឃើញមានបង្កប់ឈើ ចំនួន ០៤ សន្លឹកនោះ កម្លាំងសមត្ថកិច្ច បានធ្វើការដកហូតវត្ថុតាង រួមមាន៖ រថយន្តសណ្ដោងធន់ធំ ០១ គ្រឿង ម៉ាកហ៊ីយ៉ាន់ដាយ ពណ៌ខៀវ ពាក់ផ្លាកលេខខាងមុខ ត្បូងឃ្មុំ 3A-3400 និងផ្លាកលេខខាងក្រោយ ព្រះសីហនុ 4A-2829 ដឹកឈើប្រភេទមុខធំៗ ចំនួន ០៤ សន្លឹក ស្មើនឹង ១៣,៨៣ ម៉ែត្រគូប ។ […]