ព័ត៌មានជាតិ

សៀមរាប ៖ ក្រោយរាជរដ្ឋាភិបាលដាក់បទបញ្ជាយ៉ាងម៉ឺងម៉ាត់លុបបំបាត់រាល់ល្បែងស៊ីសងគ្រប់ប្រភេទពិសេសល្បែងតាមប្រព័ន្ធអនឡាញនៅទូទាំងប្រទេសកន្លងមកនោះ ងាកមកមើលខេត្តសៀមរាបវិញ ពិសេសក្នុងក្រុងសៀមរាប តែម្តង គឺកំពុងដំណើរការលេងភ្នាល់រាល់ថ្ងៃតាមទីតាំងជាច្រើននៅលើអាយផេត និងឡែបថបតូចៗ ផ្ទុយពីគោលនយោបាយភូមិ-ឃុំមានសុវត្ថិភាព របស់រាជរដ្ឋាភិបាលដែលបានដាក់ចេញ ។ យោងអនុសាសន៍របស់សម្តេច នៅថ្ងៃទី១៧ ខែកញ្ញា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានដាក់បទបញ្ជា ឱ្យលោកអភិបាលរាជធានី ខេត្ត ទាំង២៥ខេត្ត ក្រុង ត្រូវតែបង្ក្រាបបនល្បែងស៊ីសងខុសច្បាប់គ្រប់ប្រភេទទូទាំងប្រទេស។ មិនបាត់នោះទេ កំពុងតែរីកដដុះដាលខ្លាំងណាស់ក្នុង ក្រុងសៀមរាបខេត្តសៀមរាបនូវវង់ល្បែងស៊ីសង ដូចជាឡូតូអនឡាញ និងជល់មាន់អនឡាញ ដែលដើមឡើយដាក់បញ្ចាំងភ្នាល់តាមទូរទស្សន៍ធំៗ ខណៈពេលនេះលេចចេញល្បែងភ្នាល់ទាំងនេះលើអាយផេត និងឡែបថបតូចៗទៅវិញ ។ ជាក់ស្ដែងនារសៀលថ្ងៃទី២៣ខែមករា ឆ្នាំ២០២៣នេះ ក្រុមការងារសារព័ត៌មានSPH.hotnewsបានចុះផ្តិតយករូបភាពជាក់ស្ដែង ចំពោះទីតាំងកំពុងតែដំណើរការ ស្រែកហូរកញ្ជ្រៀវ សប្បាយក្នុងការលេងល្បែងភ្នាល់ដាក់ប្រាក់ទាំងនេះ  ស្ថិតនៅ ភូមិត្រពាំងសេះ សង្កាត់គោកចក។ ប៉ុន្តែអ្វីដែលចម្លែកបំផុត សំឡេងហូរកញ្ជ្រៀវសើចក្អាកក្អាយ ចេញពីទីតាំងល្បែងស៊ីសងភ្នាល់ដាក់ប្រាក់ទាំងនេះ មិនបានរំខានដល់ត្រចៀករបស់អាជ្ញាធរមូលដ្ឋាននោះឡើយ។ បញ្ហាទាំងនេះ វាពិតណាស់និងបង្កអសន្តិសុខក្នុងសង្គម អំពើហិ.ង្សាក្នុងគ្រួសារ ចោរកម្ម ដោយពលរដ្ឋមើលឃើញថា អាជ្ញាធរមិនបានយកចិត្តទុកដាក់ទប់ស្កាត់តាមគោលនយោបាយភូមិ-ឃុំមានសុវត្ថិភាពដែលរាជរដ្ឋាភិបាលដាក់ចេញឲ្យអនុវត្តនោះទេ ។ ពលរដ្ឋក្នុងក្រុងសៀមរាបជាពិសេសប្រជាពលរដ្ឋក្នុងសង្កាត់គោកចក ស្នើសុំលោក […]

ភ្នំពេញ÷សម្តេចហ៊ុន សែនថ្លែងនៅព្រឹកថ្ងៃទី២៣ ខែមករា ឆ្នាំ២០២៣ ក្នុងពិធីប្រគល់សញ្ញាបត្រដល់និស្សិតសាកលវិទ្យាល័យឯកទេសនៃកម្ពុជា (CUS) ជិត៧ពាន់នាក់ នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វា OCIC រាជធានីភ្នំពេញ បានអោយដឹងថា ថ្ងៃទី២៥ ខែមករា ឆ្នាំ២០២៣ ខាងមុខនេះ កម្ពុជា នឹងប្រារព្ធកម្មវិធី ១០០ថ្ងៃរាប់ថយក្រោយមុនឈានដល់ការប្រកួតកីឡាអាស៊ីអាគ្នេយ៍ (ស៊ីហ្គេម) និងអាស៊ានប៉ារ៉ាហ្គេមឆ្នាំ២០២៣ ។ សម្តេចតេជោ បានលើកឡើងថា៖ សូមកុំភ្លេចនៅថ្ងៃទី២៥ នឹងចាប់ផ្តើមធ្វើឱ្យមានចលនាជាតិមួយ រាប់ថយក្រោយ ២៥ គឺស្រែកថា ១០០ថ្ងៃ ដល់ទៅថ្ងៃទី២៦ ស្រែកថា ៩៩ថ្ងៃ ដល់ទៅថ្ងៃទី២៧ ស្រែកថា ៩៨ថ្ងៃ រាប់ថយក្រោយ ។ សម្តេចតេជោ បានបន្តថា កម្ពុជា នឹងខិតខំរៀបចំការប្រកួតស៊ីហ្គេម និងការប្រកួតអាស៊ានប៉ារ៉ាហ្គេម (ជនមានពិការភាព) ដែលនឹងធ្វើឡើងនៅខែឧសភា និងខែមិថុនា ឆ្នាំ២០២៣ ខាងមុខនេះ ប្រកបដោយសុវត្ថិភាព និងផ្តល់ភាពរីករាយដល់ភ្ញៀវដែលមកចូលរួម ការប្រកួតស៊ីហ្គេម ។ សម្តេចបានថ្លែហថា៖ មិនមែនគ្រាន់តែឈ្នះមេដាយទេ តែធ្វើជាម្ចាស់ផ្ទះដែលមានការទទួលខុសត្រូវ […]

(បាត់ដំបង) : កាស៊ីណូប៉ារីសនៅតែបើកឲ្យប្រជាពលរដ្ឋខ្មែរចូលលេងដែលផ្គើននឹងអនុសាសន៍របស់ថ្នាក់ដឹកនាំ ដែលបើកដំណើរការបានយ៉ាងរលូន ដោយសារមានអ្នកគ្រប់គ្រងនឹងសន្តិសុខ កាន់កញ្ចប់ថវិកាសម្រាប់ចែក ចាយអាជ្ញាធរ ដើម្បីបិទមាត់ ក៏ដូចជាមានការឃុបឃិតពីមន្រ្តីមូលដ្ឋានបង្កើតភាពពុករលួយនឹងធូរលុង ទើបមិនមានការបង្រ្កាប ។ ទាំងនេះគឺជាការបំពានច្បាប់ព្រះរាជាណា ចក្រកម្ពុជាទាំងស្រុង។ ដោយសារបានលាភសក្ការៈពីកាស៊ីណូមួយនេះ ដែលមានទីតាំងផ្លូវចូលច្រកតំបន់ភ្នំដីច្រកសំពៅលូនភូមិត្រពាំងព្រលិត ឃុំសន្តិភាព ស្រុកសំពៅលូន ខេត្ត បាត់ដំបង ទើបមិនមានអាជ្ញាធរមានសមត្ថកិច្ចណាចុះបង្ក្រាប ។ ក្នុងនោះផងដែរដូចជាមានការផ្សព្វផ្សាយមួយចំនួន ខណៈដែលលោកអធិការ ទឹម វិឆ័យ បក ស្រាយគ្មានការទទួលខុសត្រូវថា គ្មានលទ្ធភាពបង្រ្កាប ហើយមហាជននៅតែមានការងឿងឆ្ងល់ចំពោះសម្តីលោកអធិការនិយាយទាំងគ្មានការទទួលខុសត្រូវ គ្មានភាពជាអ្នកដឹកនាំទាល់តែសោះ ។ បងប្អូនប្រជាពលរដ្ឋ ព្រមទាំងអ្នកសារព័ត៌មាន នឹងរង់ចាំមើល នឹងរង់ចាំការបកស្រាយពីមន្រ្តីមូលដ្ឋានរៀងរាល់ម៉ោងធ្វើការ ៕

មណ្ឌលគិរី ៖ រថយន្តhi landerនិងត្រាក់ទ័របើកបរបញ្ច្រាសទិសគ្នា ក៏បុកគ្នាពេញទំហឹង បណ្តាលឲ្យស្លាប់គ្រូបង្រៀនម្នាក់ និងរងរបួសធ្ងន់ពីរនាក់ កាលពីយប់ថ្ងៃទី ២២ខែមករាឆ្នាំ២០២៣ នៅផ្លូវលេខ៧៦ចន្លោះគីឡូម៉ែត្រលេខ១២៣និង១២៤ស្ថិតនៅ ភូមិអូរស្ពាន សង្កាត់ស្ពានមានជ័យ  ក្រុងសែនមនោរម្យ ខេត្តមណ្ឌលគិរី ។ ករណីគ្រោះថ្នាក់ចរាចរណ៍ររវាងត្រាក់ទ័រសណ្តោងរឺម៉កនិងរថយន្តTOYOTA HIGHLINDER ក្នុងទិសដៅច្រាសទិសគ្នាពីជើងទៅត្បូង ដោយរថយន្តHighlinder បើកបុកត្រាក់ទ័រសណ្តោងរឺម៉កដែលចតតាមដងផ្លូវ។ អ្នកបើកត្រាក់ទ័ររត់គេចខ្លួនបាត់ហើយទុកត្រាក់ទ័រនៅនិងកន្លែងកើតហេតុ។ អ្នករួមដំណើរជាមួយអ្នកបើកបរត្រាក់ទ័រ ឈ្មោះនួន សំណាង ភេទប្រុសអាយុ៤០ឆ្នាំជនជាតិខ្មែរ សញ្ជាតិខ្មែរ មុខរបរកសិករ ទីលំនៅបច្ចុប្បន្នភូមិពូត្រែង ឃុំដាក់ដាំ ស្រុកអូររាំង ខេត្តមណ្ឌលគិរី  (រងរបួសធ្ងន់)ត្រូវបញ្ជូនទៅសម្រាកព្យាបាលរបួស នៅមន្ទីរពេទ្យបង្អែកខេត្ត។ អ្នកបើកបររថយន្តឈ្មោះ ហៃ ដាលុច ភេទប្រុស អាយុ ៣៨ឆ្នាំជនជាតិខ្មែរ សញ្ជាតិខ្មែរ មុខរបរគ្រូបរ្រៀន រស់ នៅបច្ចុប្បន្ន ភូមិអូរអាម ឃុំស្រែខ្ទុម ស្រុកកែវសីមា ខេត្ត មណ្ឌលគិរី រថយន្តម៉ាក TOYOTA HlGLIDER ពណ៌ ទឹកមាស ផ្លាកលេខភ្នំពេញ2AS. 0219 […]

  ខេត្តកណ្តាល៖ អំពេីព្រៃផ្សៃរបស់ម្ចាស់ហាង”ពន្លឺជាប់ ចិត្ត”កេីតហេតុនៅវេលាម៉ោង៨យប់ ថ្ងៃទី១៧ខែ មករា ឆ្នាំ២០២៣នៅភូមិថ្មី២សង្កាត់តាខ្មៅ ក្រុងតាខ្មៅ ខេត្តកណ្ដាល។ ម្ចាស់ហាង ពន្លឺជាប់ចិត្ត ត្រូវបានជនរងគ្រោះអះអាងថា បានប្រេីអំពេីហិង្សាលេីរូបរាងកាយ បង្ករបួសស្នាម ប្រមាថគំរាមអាយុជីវិតដោយប្រេីប្រាស់អាវុធភ្ជង់ក្បាលជាមួយនឹងការប្រើសម្ដី។គំរាមថានឹងបាញ់សម្លាប់ចោល។ បុរសអាយុ៣១ឆ្នាំរស់នៅក្រុងតាខ្មៅបានថ្លែងប្រាប់អ្នក សារព័ត៌មាន ពីដំណេីរហេតុដែលឈានដល់ការប្រេីអំពេីហឹង្សានិងប្រមាថអាយុជីវិតយ៉ាងដូច្នេះថា”កើតការណ៍កេីតឡេីងនៅម៉ោង៨នាទីយប់,ខ្ញុំបាទបានជិះម៉ូតូមក ដល់ចំណុចហាង”ពន្លឺជាប់ចិត្ត” ក៏បានប៉ះរថយន្ត១ គ្រឿងនៅមុខហាង”ពន្លឺជាប់ចិត្ត” បណ្ដាលឱ្យមានស្នាមឆ្កូតរថយន្តមួយគ្រឿងដែលគេទុកចតចោលនៅមុខហាង”ពន្លឺជាប់ចិត្ត” ពេលនោះ។ ស្រាប់តែម្ចាស់ហាង “ពន្លឺជាប់ចិត្ត” ចេញមកសំឡុតគំរាមកំហែងខ្ញុំ ដកសោម៉ូតូខ្ញុំ និងមិនឱ្យខ្ញុំទៅណាទេ។ ពេលនោះខ្ញុំសុំជួបម្ចាស់រថយន្ត ប៉ុន្តែម្ចាស់ហាងមិនឱ្យខ្ញុំជួបដើម្បីដោះស្រាយនោះទេ,គឺគាត់ជាអ្នកអះអាងទទួលខុសត្រូវ។ ពេលនោះដែរខ្ញុំក៏ទាញទូរស័ព្ទថតហាងរបស់គាត់ ហេីយគាត់បានខឹងខ្ញុំ ហេីយបានក្រៀក ក ខ្ញុំចូលក្នុងហាងរបស់គាត់ រួចបានយកកាំភ្លេីងខ្លីមកភ្ជង់ក្បាលខ្ញុំ ដោយនិយាយថា “បាញ់ហ្អែងចោលឥលូវ”,នៅពេលនោះខ្ញុំភ័យក៏សំពះសុំអង្វរគាត់ដោយលុតជង្គង់សុំទទួលខ្លួនខុសដែលជិះម៉ូតូបណ្ដាលឱ្យប៉ះពាល់រថយន្តនោះ,ពេលនោះដែរ ម្ចាស់ ហាង ពន្លឺជាប់ចិត្ត នោះ ឱ្យខ្ញុំយកទូរស័ព្ទលុបវីដេអូដែលខ្ញុំបានថត ខ្ញុំក៏យល់ព្រមលុបខ្សែវីដេអូនោះទេីប ម្ចាស់ហាងនោះអនុញ្ញាតឱ្យខ្ញុំបាទចាកចេញតែម្ដង។” តាមការបញ្ជាក់ពីប្រភពដ៏គួរឱ្យជឿជាក់បានប្រាប់ថា ថៅកែហាង “ពន្លឺជាប់ចិត្ត”មានឈ្មោះ ឌឿន ចាន់ដារ៉ា មានតួនាទីជាប៉ូលិសស័ក្ដិ៤នៅស្នងការដ្ឋាននគរបាលខេត្តកណ្ដាល ឋានៈនាយផ្នែករដ្ឋបាលសរុបនៃការិយា ល័យគ្រប់គ្រងសន្តិសុខឯកជន។ ដោយមានតួនាទីជាប៉ូលីសលោកស័ក្ដិ4,ឌឿន ចាន់ដារ៉ា […]

ខេត្តកំពង់ស្ពឺ៖ ព្រមានដកលោក ឈឺន សុធន អភិបាលស្រុកបសេដ្ឋ ចេញពីតំណែង ដោយសារតែប្រព្រឹត្តអំពើពុករលួយ ក្នុងសំណុំរឿងទិញ-លក់ដីរបស់រដ្ឋ។ លោក ឱម យ៉ិនទៀង ទេសរដ្ឋមន្ដ្រី,ប្រធានអង្គភាពប្រឆាំងអំពើពុករលួយហៅកាត់ (ACU) កាលពីថ្ងៃទី១៦ ខែមករា ឆ្នាំ២០២៣ចេញលិខិតព្រមាននិងប្រាប់ឱ្យលោក ឈឺន សុធន អភិបាលស្រុកបសេដ្ឋ ខេត្តកំពង់ស្ពឺ ផ្អាកចំពោះការអនុញ្ញាតឱ្យលោកស្រី វន់ ឈើវិនគីអាសាយណាវ ប្រមូលទិញទិញដី ដោយខុសច្បាប់។ ករណីទិញលក់ដីរដ្ឋនេះ មានលោក ស៊ិន សារុន នាយករដ្ឋបាល ជាអ្នករៀបចំយកដីរបស់រដ្ឋ ក្រោមការគ្រប់គ្រងរបស់មន្ទីរបរិស្ថានខេត្ត លក់ឲ្យឈ្មួញ។ លោកទេសរដ្ឋមន្ដ្រី ឱម យ៉ិនទៀង បានតម្រូវឲ្យលោក ស៊ិន សារុន នាយករដ្ឋបាល ដែលបានចម្លងដៃម៉ារីវែង បើកទំនប់ទឹកពីឆ្មាំយាមទំនប់ ដំណើរការបើកទឹក ពង្រឹងបង្អោកទឹកក្នុងទំនប់ ដើម្បីធ្វើការវាស់វែងដីយកលក់ ត្រូវបញ្ឈប់សកម្មភាពនេះ និងប្រគល់ដៃម៉ារីវែងចម្លងនេះ មកឲ្យសាលាស្រុកបសេដ្ឋ រក្សាទុក។ ក្នុងលិខិតបញ្ជាក់យ៉ាងច្បាស់ៗថា «អង្គភាពប្រឆាំងអំពើ ពុករលួយ សុំឱ្យលោកអភិបាលស្រុក ចាត់ចែងចំពោះ មុខនេះ […]

  ខេត្តមណ្ឌលគិរី ÷ ឧត្តមសេនីយ៍ឯកហាក់ម៉ៅដែលពីមុនល្បីល្បាញខាងកងដឹកជញ្ជូនទំនិញខុសច្បាប់តាមខ្សែផ្លូវសំខាន់ៗនោះ នៅពេលនេះមន្ត្រីពាក់ផ្កាយ៣ម្នាក់នេះ នៃកងពលតូចលេខ៧០ កំពុងរងការចោទប្រកាន់ពីក្រុមអ្នកភូមិជនជាតិដើមភាគតិចថា បានប្រើអំណាចយ៉ាងកំរោលរំលោភយកដីដែលពួកគេកំពុងរស់នៅ និងអាស្រ័យផល។ មិនតែប៉ុណ្ណោះបុគ្គលម្នាក់នេះថែមទាំងប្រើប្រាស់គ្រឿងចាក់ដែលមានពាក់ស្លាកលេខអង្គភាពកងទ័ពទៀតផង។ ក្រុមអ្នកភូមិជនជាតិភាគតិចបាននិយាយថា លោក ហាក់ ម៉ៅ បានប្រើប្រាស់កម្លាំងទាហាន,រថយន្តយោធា និងរថយន្ត សឺរ៉ែន ដើម្បីបំភិតបំភ័យបំបាក់ស្មារតីអ្នក ភូមិ ហើយបានព័ទ្ធ និងឈូសឆាយយកដីធ្លីរបស់ពួកគាត់នៅចំណុចភូមិអូរស្ពាន សង្កាត់ស្ពានមានជ័យ ក្រុងសែន នោរម្យ ខេត្ត មណ្ឌលគិរី ។ អ្នកភូមិបានហៅសកម្មភាពនេះប្រៀបបាន នឹងការឆក់ ប្លន់ដីធ្លីនិងជីវិតជីវភាព ដែលបន្សល់ទុកពីដូនតារាប់តំណររបស់ពួកគាត់តាមរបៀបឆៅៗ ដែលប្រការនេះផ្ទុយខុសឆ្ងាយពីគោលនយោបាយរបស់គណបក្ស ប្រជាជនកម្ពុជា ជាពិសេសរាជរដ្ឋាភិបាលកម្ពុជាក្រោមការដឹកនាំសម្ដេចនាយករដ្ឋមន្ត្រី ហ៊ុន សែន ដែលតែងតែខ្វល់ខ្វាយគិតគូរពីសុខទុក្ខរបស់ប្រជាពលរដ្ឋសម្ដេចដោយពុំរើសអើង។ ជាមួយគ្នានេះដើម្បីកាត់បន្ថយ និងឈានទៅបញ្ចប់ការ រំលោភបំពានដីធ្លីជនជាតិដើមភាគតិចពីសំណាក់ពួកអ្នកមានអំណាចមានលុយ ក្រុមអ្នកភូមិក៏បានអំពាវ នាវយ៉ាងទទូចផងដែរ ដល់អាជ្ញាធរខេត្តមណ្ឌលគិរីមេត្តាចុះអនុវត្តលិខិតបង្គាប់ការរបស់ខុទ្ទកាល័យសម្ដេចនាយករដ្ឋមន្ត្រីក៏ដូចជាក្រសួងដែនដីនគរូបនីយកម្ម និងសំណង់ រួមទាំងលិខិតរបស់ក្រសួងមហាផ្ទៃក្នុងការវាស់វែងកាត់ឆ្វៀលដី ចេញប័ណ្ណកម្មសិទ្ធិជូនប្រជាពលរដ្ឋ ។ ភ្នាក់ងារគេហទំព័រយើងបានព្យាយាមទាក់ទងតាមទូរសព្ទទៅលោកឧត្តមសេនីយ៍ឯកហាក់ ម៉ៅ នៅវេលាល្ងាចថ្ងៃទី២៣ខែមករាឆ្នាំ ២០២៣នេះដែរ ប៉ុន្តែសំឡេងនៅបណ្ដាញទូរសព្ទម្ខាងប្រាប់មកថា គាត់មិនមែនជាលោកឧត្តមសេនីយ៍ហាក់ ម៉ៅ នោះទេ៕

ខេត្តកំពង់ឆ្នាំង÷កុមារីម្នាក់ស្លាប់នៅក្នុងហេតុការណ៍គ្រោះថ្នាក់ចរាចរណ៍មួយបានកើតឡើងនៅវេលាម៉ោង ១និង២០នាទីរសៀល ថ្ងៃទី ១៨ ខែមករាឆ្នាំ ២០២៣ នៅចំណុចផ្លូវប្រសព្វរវាងផ្លូវជាតិលេខ៥៣ និងផ្លូវវាងក្រុង ស្ថិតនៅក្នុងភូមិគល់គុប ឃុំស្រែថ្មី ស្រុករលាប្អៀរ ខណៈដែលក្មេងស្រីរងគ្រោះជិះកង់ទៅសាលារៀន។ ប្រភពពីសមត្ថកិច្ចនគរបាលស្រុករលាបៀរឲ្យដឹងថាកុមារីរងគ្រោះមានឈ្មោះ វ៉ាត ធាណាន់ អាយុ ១៤ ឆ្នាំមានទីលំនៅភូមិគល់គុប ឃុំស្រែថ្មីស្រុករលាបៀរ ។ ប្រភពដដែលបានឲ្យដឹងថា មុនពេលកើតហេតុកុមារីរងគ្រោះបានជិះកង់ទៅសាលារៀនតាមបណ្ដោយផ្លូវ ជាតិលេខ ៥៣ពីលិចទៅកើត។ លុះមកដល់ចំណុចកើតហេតុដែលជាផ្លូវខ្វែងទិសរវាងផ្លូវវាងក្រុងនិងផ្លូវជាតិលេខ ៥៣ក៏ស្រាប់តែមានរថយន្តម៉ាក់ហាយឡិនឌើ ១គ្រឿងពណ៌ស្ករ ពាក់ស្លាកលេខ ពោធិ៍សាត់ 2B.7606 បើកបរដោយជនពុំស្គាល់ឈ្មោះ ក្នុងដំណើរពីត្បូង ទៅជើងក្នុងល្បឿនលឿន បណ្ដាលឲ្យបុកក្មេងស្រីរងគ្រោះ ស្លាប់នៅកន្លែង ។ ក្រោយពេលកើតហេតុសមត្ថកិច្ចបានទៅដល់ធ្វើការវាស់វែងនិងបានប្រគល់សពកុមារីរងគ្រោះទៅក្រុមគ្រួសារធ្វើបុណ្យតាមប្រពៃណី ចំ ណែក អ្នកបើកបរ រថយន្តបានរត់គេចខ្លួនបាត់ដោយទុករថយន្តចោល។ គួររំលឹកដែរថា នេះជាករណី គ្រោះថ្នាក់ចរាចរណ៍ថ្មីទៀតហើយ លើផ្លូវវាងក្រុង ប្រសប់ជាមួយផ្លូវជាតិលេខ 53 ដែលគិតមកដល់ពេលនេះមានចំនួន៨ករណីហើយ ចាប់តាំងពីបើកឱ្យដំណើរការពីថ្ងៃទី ២ដល់ថ្ងៃទី ១៨ ខែមករានេះ៕

ខេត្តកំពង់ស្ពឺ÷ស្រ្ដី​ម្នាក់​រស់នៅឃុំយាយម៉ៅ​ពេជ្រ​និល​ ស្រុកភ្នំស្រួច​ ខេត្ត​កំពង់​ស្ពឺ​ បានបង្ហោះ​សារជាថ្មីម្ដងទៀតដើម្បីស្វែងរកិច្ចអន្តរាគមន៍ ឱ្យរួចផុតពីកា​រវាយដំធ្វើបាបពីសំណាក់បុរសជាឪពុកចុងតាមរយៈ​គណនី​ហ្វេសប៊ុក​ “chhinamo chhinamo”​ ។ នាង សុខ​ ស្រី​អន​ បាន​រៀប​រាប់​តាមបណ្តាញសង្គម facebook ថា​  នាងខ្ញុំឈ្មោះ​ សុខ​ ស្រី​អន​ មានម្ដាយបង្កេីតនិងឪពុ​កចុង​ រស់នៅក្នុងផ្ទះជាមួយគ្នាដោយឪពុកចុងនិងម្ដា​យបង្កេីតបានបង្ខំអោយនាងខ្ញុំរៀបការនិងមានស្វា​មីជាមួយបុរសម្នាក់ដែលខ្ញុំគិតថា មិនបានស្រឡាញ់​ទាល់តែសោះនិងជាមនុស្សមានប្រវត្ដិកេីតរោគាទៀតផង​។ ក្រោយឪពុកចុងនិងម្ដាយបង្ខំឱ្យរៀប ការ​នាងខ្ញុំប្រកែកមិនឈ្នះ ហើយពិធីអាពាហ៍ពិពាហ៍មួយបាន​កេីតឡេីងដោយបញ្ចប់ទៅវិញទាំងស្ថានភាពដ៏​សោះកក្រោះ។ ឪពុកចុងនិងម្ដាយខ្ញុំប្រាប់ថា បេីនាងខ្ញុំមិនយក(ប្តី)ទេគឺ​គាត់នឹងសងបណ្ដាការគេច្រេីនណាស់ដូច្នេះនាងខ្ញុំ​មានជម្រេីសតែមួយគត់គឺផ្ញេីសារសុំកិច្ចអន្ដរាគម​ន៍​ពីថ្នាក់ដឹក នាំ​ពិសេសសម្ដេចពុក។  នៅក្នុងនោះនាងបានបង្ហោះរូបដែលរងនូវអំពើហិង្សាពីសំណា​ក់បុរ​សជាឪពុកចុង​ ចូលទៅផេករបស់សម្ដេចពុកដើម្បីសុំអន្តរាគមន៍ទៀតផង។ ថៃ្ងទី​១៧​ ខែមករា​ ឆ្នាំ២០២៣​ កម្លាំងជំនាញ​បានបញ្ជាឱ្យ​កំ​លាំង​នគរបាល​ នៃអធិការដ្ឋាន​នគរបាល​ស្រុក​ភ្នំ​ ស្រួ​ចចុះទៅកាន់ផ្ទះនារីរងគ្រោះនិងជួបជាមួយឪពុ​ក​ចុង​ ម្ដាយ​បង្កើត​ រួមជាមួយ​អាជ្ញាធរ​មូលដ្ឋាន​ ដេី​ម្បី​ស្ដាប់​ការបកស្រាយនិងបំភ្លឺជុំវិញរឿងរ៉ាវដែល​នាង​ស្រីអន​ បានបង្ហោះ​សារដ៏កំសត់និងស្នេីសុំរកកិច្ចអន្ដ​រាគមន៍អោយជួយនាងរួចផុតពីកណ្ដាប់ដៃបុរសជាប្ដី​តាមអំណាចបង្ខំលោកឪពុកចុងនិងម្ដាយបង្កេីតដែ​លបង្ខំអោយកូនយកប្ដីដែលខ្លួនមិនពេញចិត្ដនិងចា​ប់ចិត្ដស្រឡាញ់​។ ទីបំផុត​រឿងរ៉ាវ​មិនដូចការពិតនោះទេ​នាងស្រីអន​ បានទទួល​ស្គាល់​ថាប៉ុន្មាន​ថៃ្ង​នេះខ្លួនទេីបនឹងរៀបការរួចបានចេ​ញទៅផ្ទះខាង​ប្ដីដេីម្បីសែនព្រេនជីដូនជីតាខាងប្ដីនិងបានវិលត្រឡប់មកដល់ផ្ទះនៅភូមិទី៦ឃុំយា​យម៉ៅ​ពេជ្រ​និល​ ស្រុកភ្នំស្រួច​ ហេីយបានជម្រាបជូនសមត្ថកិច្ចថា​ ខ្លួនមិនមានបំណងប្ដឹងទៅឪពុក​ចុងនិងម្ដាយបង្កេីតទេ​ តែមានបំណងសុំអោ​យសមត្ថកិច្ចជួយឱ្យ​នាង​បានលែងប្ដីដេីម្បីទៅរស់នៅជាមួយអ្នក​ដែលរង់​ចាំនាង។ សមត្ថកិច្ច​បានពន្យ​ល់និងណែនាំនាង​ស្រីអន​ ថាបញ្ហាបង្ហោះព័ត៌មានបែបនេះធ្វេីឱ្យមហាជន​មានការភ័យតក់ស្លុត​ និងក​ង្វល់ណាស់ដូច្នេះ​នា​ងបា​នសុំទោសមកដល់សមត្ថកិច្ចនិងមហាជនកុំឱ្យខឹង​នាងមកពីនាងចង់បានចាកចេញទៅរកក្ដីសុខជាមួ​យមនុស្សដែលអាចផ្ដល់ក្ដីស្រឡាញ់ជូននាង៕