គោរពជូន លោកអភិបាល នៃគណះអភិបាលស្រុកក្រគរ កម្មវត្ថុ ស្តីពីជូនរបាយការណ៍ ករណីគ្រោះធម្មជាតិ (រន្ទះបាញ់)

គោរពជូន
លោកអភិបាល នៃគណះអភិបាលស្រុកក្រគរ
កម្មវត្ថុ ស្តីពីជូនរបាយការណ៍ ករណីគ្រោះធម្មជាតិ (រន្ទះបាញ់
កើតហេតុ នៅថ្ងៃទី ២៣ ខែ កញ្ញា ឆ្នាំ ២០២២ វេលាម៉ោង ១៤ នឹង ៣០ នាទី ចំណុចខ្ទមខ្វាលគោ អូរភ្លោះ ស្ថិតនៅភូមិថ្មី ឃុំត្មោតជុំ ស្រុកក្រគរ ខេត្តពោធិ៍សាត់។
-ជនរងគ្រោះឈ្មោះ ចើម ម៉ាញ ភេទប្រុស អាយុ ៣៤ ឆ្នាំ ជនជាតិខ្មែរ
-ប្រពន្ធ ឈ្មោះ ឈឹម យី អាយុ ៣៣ ឆ្នាំ មានកូនចំនួន ២ នាក់ ស្រី ។
ទីលំនៅបច្ចុប្បន្ន ភូមិ ដំបូក១០០ ឃុំត្មោតជុំ ស្រុកក្រគរ ខេត្តពោធិ៍សាត់។
យោងតាមការបំភ្លឺរបស់ប្រពន្ធឈ្មោះ ឈឹម យី អាយុ ៣៣ ឆ្នាំ កាលពីវេលាម៉ោងម៉ោងប៉ុន្មានម៉ោង ១៣:00ថ្ងៃទី ២៣ ខែកញ្ញាឆ្នាំ ២០២២ ប្ដីរបស់ខ្ញុំបានមកពីឃ្វាលគោនាងខ្ញុំក៏បានដួសបាយឲ្យគាត់ហូបនៅក្នុងខ្ទមដូចសព្វមួយដង។ក្នុងពេលនោះកំពុងមានភ្លៀងធ្លាក់យ៉ាងខ្លាំងពេលនោះប្ដីរបស់នាងខ្ញុំបានហូបបាយរួចក៏សម្រាកបន្តិចលុះដល់ម៉ោង ១៤ នឹង ៣០ ប្តីរបស់ខ្ញុំក៏ចុះទៅបត់ជើងតូចក្បែរខ្ទម(នោម) ដែលកំពុងមានភ្លៀងស្រិចៗ ដែលមានផ្គររន្ទះ ស្រាប់តែបាញ់ចំប្តីខ្ញុំ បណ្តាលអោយដួលនៅនឹងកន្លែងកើតហេតុយែម្តង។ ពេលនោះខ្ញុំក៏បានស្រែកហៅបងប្អូនឲ្យមកជួយបងប្អូនក៏រត់មកជួយនិងបានធ្វើចលនាទៅលើសាកសព តាមទំនៀមទម្លាប់ប្រពៃណីតែប្តីខ្ញុំបានបាត់បង់ជីវិតទៅហើយ។
អាស្រ័យហេតុដូចបានគោរពជូន ខាងលើ សូមលោកអភិបាល នៃគណះអភិបាលស្រុកក្រគរជ្រាបជារបាយការណ៍។
ថ្ងៃទី ២៣ ខែ កញ្ញា ឆ្នាំ ២០២២
នាយប៉ុស្តិ៍ នគរបាល រដ្ឋបាលត្នោតជុំ
វ.ត្រី យិន ឈុនហាក់