ទីតាំងល្បែងមាន់អនឡាញកំពង់តែបំពល់អ្នកញៀនល្បែងនៅឃុំរកាអារ ស្រុកកងមាស ខេត្តកំពង់ចាម កំពង់ចាម:មានសេចក្ដីរាយការណ៍មកថា៖ ទីតាំងល្បែងស៊ីសងជល់មាន់តាមប្រព័ន្ធអនឡាញ កំពង់ពេញនិយមក្នុងស្រុកកងមាស ។ នៅថ្ងៃទី១០ខែកញ្ញាឆ្នាំ២០២៣ ភ្នាក់ងារសារព័ត៌មាន បានទទួលដំនឹងពីពលរដ្ឋបានរាយការថាមានលេងល្បែងមាន់អនឡាញ ក្រុមការងារក៏ចុះមកដល់ទីតាំង ពិតជាដូចសម្តីពលរដ្ឋក្នុងមូលដ្ឋានលើកឡើងពិតប្រាកដមែន ខណៈពេលសមត្ថកិច្ចរក្សាភាពស្ងៀមស្ងាត់។ ដោយមានទីតាំងជាច្រើនកន្លែងកំពង់បើកដំណើរការយ៉ាងសកម្ម ក្នុងភូមិរកាអារ ឃុំរកាអា ស្រុកកងមាស ខេត្តកំពង់ចាម កំពុងតែបើកដំណើរការទីតាំងរបស់ខ្លួនយ៉ាងសកម្មនៅក្នុងមូលដ្ឋានស្រុកកងមាស សមត្ថកិច្ចពាក់ព័ន្ធក្នុងមូលដ្ឋានមិនហ៊ានបង្ក្រាប ព្រោះជាឆ្នាំងបាយរបស់អស់លោកទេ? សូមរំលឹកថា៖ កាលពីថ្ងៃទី១៧ខែកញ្ញា ឆ្នាំ២០២២ បានកន្លងផុតទៅថ្មីនេះ សម្តេចតេជោ ហ៊ុន សែន បានដាក់បទបញ្ជាឲ្យគណៈអភិបាលរាជធានី ទាំង២៥ ខេត្ត ក្រុង ដែលតម្រូវឲ្យបង្រ្កាប! ទីតាំងបនល្បែងស៊ីសងខុសច្បាប់គ្រប់ប្រភេទ ក្នុងក្របខ័ណ្ឌទូទាំងប្រទេស ដោយគ្មានការលើកលែង។ សម្តេចតេជោ ហ៊ុនសែន បានបញ្ជាក់យ៉ាងដាច់ណាត់ទៀតថា៖ បើអាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានក្នុងការទប់ស្កាត់ និងបង្ក្រាប! ទីតាំងល្បែងស៊ីសងខុសច្បាប់ នៅក្នុងមូលដ្ឋានរបស់ខ្លួនទេ! អាជ្ញាធរនិងសមត្ថកិច្ចទាំងនោះនិងមានបញ្ហាប្រឈមនិងការបាត់បង់ពីតំណែងទៀតផង។ សូមបញ្ជាក់ថា៖ សម្ដេចតេជោ ហ៊ុន សែន បានដាក់ពាក្យស្លោកថា អ្នកសារព័ត៌មាន ត្រូវតែផ្សាយព័ត៌មានពិត […]
បាត់ដំបង: ថ្ងៃទី២២ ខែតុលា ឆ្នាំ២០២៣ ជាខេត្តមួយដែលមានភាពទាក់ទាញភ្ញៀវទេសចរណ៍ ព្រោះសម្បូរ ទៅដោយសម្បត្តិធម្មជាតិ និងតំបន់ទេសចរណ៍ធម្មជាតិជាច្រើន ហើយរាប់ថា លេចធ្លោរជាងគេក្នុងចំណោម២៥ខេត្តក្រុងរាជធានីក្នុងព្រះរាជាណាចក្រកម្ពុជា ហើយទន្ទឹមនិងនោះក៏ជាខេត្តមួយដែលសម្បូរបញ្ហាមិនចេះចប់ មិនចេះហើយទោះបីថ្នាក់ដឹកនាំខេត្តខំព្យាយាមដោះក្រៅប្រព័ន្ធតុលាការយ៉ាងណា ចំពោះ បញ្ហាវិវាទដីធ្លី បញ្ហារំលោភបំពានច្បាប់ ការបំផ្លិចបំផ្លាញធនធានធម្មជាតិ ទន្ទ្រានយកដី យកចំណីស្ទឹងធ្វើជាកម្មសិទ្ធិផ្ទាល់ខ្លួន និងបក្សពួក ។ បញ្ហាមិនចេះចប់មិនចេះហើយ តែងតែបង្កឲ្យមតិមហាជនភ្ញាក់ផ្អើល និងមានប្រតិកម្មជំទាស់ ព្រមទាំងចោទជាសំនួរអំពីករណីកិច្ច និងកាតព្វកិច្ចរបស់អាជ្ញាធរថ្នាក់ក្រោមជាតិរបស់ខេត្តមួយនេះ ដែលហាក់បីដូចជាមិនសូវមានសកម្ម និងមានតម្លាភាពនៅក្នុងការអនុវត្តន៍ច្បាប់ថ្នាក់ជាតិ ។ ចុងក្រោយនេះ អ្វីដែលយើងចាប់អារម្មណ៍ជាពិសេស គឺការរំលោភយកច្រាំងស្ទឹង ហៅថាស្ទឹងសង្កែនៅ ក្នុងស្រុកឯកភ្នំដោយមានអ្នកមានលុយកាក់ និងមានអំណាចបានសាងសង់ជាសំណង់រឹងមាំបុកគ្រឺះប៉ះពាល់ចំនីស្ទឹងសង្កែតាមបណ្តោយច្រាំងស្ទឹងក្នុងភូមិខ្វិត ឃុំខ្ពប ស្រុកឯកភ្នំ។ សំណង់រឹងជាគេហដ្ឋានរឹងមាំ សាងសង់ជាបន្ដបន្ទាប់នៅលើចំនីច្រាំងស្ទឹងថ្មីៗ ។ សូមអនុញ្ញាតជម្រាបជូនប្រិយមិត្តដែលនិយម និងតាមដានគេហទំព័រសាយប៉ូចហតញ៉ូស៍ឲ្យបានជ្រាបថា បើយោងតាមខ្លឹមសារ និងស្មារតីនៃសារាចរណែនាំរបស់រាជរដ្ឋាភិបាលលេខ៖ ០១ សរណន ចុះថ្ងៃទី០៣ ខែកុម្ភ: ឆ្នាំ២០១២ ស្តីពីការអភិវឌ្ឍន៍តំបន់ឆ្នេរទន្លេ ស្ទឹង បឹងនៃព្រះរាជាណាចក្រកម្ពុជា ការកាន់កាប់ជាកម្មសិទ្ធិឯកជន និងសំណង់រឹងមាំដូចជម្រាបជូនខាងលើមិនអាចត្រូវបានអនុញ្ញាតឡើយ ។ យោងតាមអនុក្រឹត្យលេខ […]
(ភ្នំពេញ) ៖ កម្លាំងសមត្ថកិច្ច នៃអធិការដ្ឋាននគបាលខណ្ឌសែនសុខ ដឹកនាំដោយ លោកវរសេនីយ៍ឯក ហួរ ម៉េងវ៉ាង អធិការខណ្ឌ បានចុះឡោមព័ទ្ធ និងឃាត់ខ្លួនជនសង្ស័យជាជនបរទេសប្រុសស្រីចំនួន ៣៧នាក់ (ចិន៣៥នាក់ វៀតណាម២នាក់) រួមនឹងវត្ថុតាងកាំភ្លើងខ្លីមួយដើម កាំបិត ដំបងឆក់ ថ្នាំញៀន និងវត្ថុតាងមួយចំនួនផ្សេងទៀត។ ជនរងគ្រោះជនជាតិចិន ភេទប្រុស បានរងរបួសធ្ងន់ធ្ងរដោយកាំបិត និងបានបាត់បង់ជីវិត ក្រោយការសង្គ្រោះអស់លទ្ធភាព។ ករណីនេះបានកើតឡើងកាលពីវេលាម៉ោង ៣:៣០នាទី ទៀបភ្លឺ ឈានចូលថ្ងៃទី៣ ខែមករា ឆ្នាំ២០២៤ ស្ថិតនៅចំណុចទល់មុខអាគារ ប៊ូយ៉ុង មហាវិថីសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ។ យោងតាមប្រភពព័ត៌មានបឋមពីកន្លែងកើតហេតុ បានឱ្យដឹងថា មុនពេលកើតហេតុ ជនបរទេសទាំងអស់នោះ បានផឹកស៊ីជុំគ្នា និងមានប្រើប្រាស់គ្រឿងញៀនទៀតផង។ ក្រោយមកក៏មានទំនាស់គ្នារឿងលុយជំពាក់ ក៏កើតជាជម្លោះ ដេញវាយគ្នាពេញក្នុងអាគារកើតហេតុ តាំងពីជាន់ខាងលើ រហូតមកដល់ជាន់ផ្ទាល់ដី។ ពេលនោះបុរសជាជនដៃដល់ បានដកកាំបិតចាក់ទៅលើបុរសរងគ្រោះជាច្រើនកាំបិត រួចបានរត់គេចខ្លួនចេញពីកន្លែងកើតហេតុបាត់។ រីឯបក្ខពួកជាច្រើននាក់ទៀត បានរត់គេចខ្លួនទៅសំងំនៅជាន់ខាងលើ។ ភ្លាមនោះដែរ អ្នកប្រចាំការនៅក្នុងអាគារ បានរាយការណ៍ទៅសមត្ថកិច្ចចុះមកបង្ក្រាបតែម្ដង។ […]
