ប្រធានមន្ទីររ៉ែ និងថាមពលខេត្តពោធិ៍សាត់ឃុបឃិត ជា មួយឈ្មួញដឹកខ្សាច់មួយថ្ងៃៗរាប់រយឡានទៅខេត្តភាគខាងលិច សកម្មភាពបូមខ្សាច់ដាក់រថយន្តសង្ស័យអត់ច្បាប់បានកំពុងកើតមានយ៉ាងគ្រឹកគគ្រេងនៅចំណុចកោះអន្លង់អំពិល ឋិតក្នុងភូមិកំពែង ឃុំព្រងិល ស្រុកភ្នំក្រវាញខេត្តពោធិ៍សាត់ ដែលខ្សាច់ទាំងនោះត្រូវគេខ្សិបថាបានដឹកយកទៅចែកចាយនៅបណ្ដាខេត្តភាគខាងលិច តាម ផ្លូវជាតិលេខ៥ រហូតដល់ទីប្រជុំជនក្រុងប៉ោយប៉ែតផងក៏មាន ។ សកម្មភាពបូមខ្សាច់នេះឋិតក្រោមការទទួល ខុសត្រូវរបស់មន្ទីរ៉ែនិងថាមពលខេត្តពោធិ៍សាត់ ដែលដឹកនាំដោយលោក សេង ប៊ុនថុល។ ប្រភពពីអ្នកបើកឡានដឹកខ្សាច់បានឲ្យដឹងថា ថៅកែការដ្ឋានបូមខ្សាច់នេះឈ្មោះយឿន រស់នៅស្រុកបាកាន ខេត្តពោធិ៍សាត់ ។ ការដ្ឋាននេះធ្លាប់ត្រូវបានសមត្ថកិច្ចជំនាញបិទម្ដងរួចហើយ ប៉ុន្តែបានដំណើរការឡើងវិញដោយមិនមានច្បាប់ទម្លាប់អ្វីឡើយ។ ការដែលការដ្ឋានខ្សាច់នេះមិនមានច្បាប់ទម្លាប់ ត្រូវគេអះអាងថា ទំនងជាមានការឃុបឃិតជាមួយ លោកសេង ប៊ុនថុល ប្រធានមន្ទីរ៉ែនិងថាមពលខេត្តពោធិ៍សាត់នោះហើយ។ ប្រភពបន្ថែមថា ថៅកែការដ្ឋានបានទិញដីអ្នកស្រុកក៏ពិតមែនប៉ុន្តែដំណើរការបូមខ្សាច់លក់នេះមិនមានច្បាប់អនុញ្ញាត ពីស្ថាប័នជំនាញឡើយ។ មុនដំបូងឃើញមន្ត្រីជំនាញចុះ បិទដែរ តែក្រោយមកក៏ដំណើរការឡើងវិញ ទំនងជា ចរចាររឿងប្រយោជន៍ត្រូវគ្នា។ ខ្សាច់ដែលកំពុងបូមនៅក្នុងភូមិសាស្រ្តឃុំព្រងិល ស្រុកភ្នំក្រវាញ ខេត្តពោធិ៍សាត់នេះ ត្រូវគេចាត់ទុកជាប្រភេទខ្សាច់លេខ១ ហើយបម្រើការឲ្យបណ្ដាខេត្តជាច្រើននៅភាគខាងលិចដែលក្នុង១ថ្ងៃៗការដ្ឋានខាងលើនេះអាចដឹកខ្សាច់ចេញមិនតិចនោះទេ។ ដូច្នេះទីតាំងការដ្ឋានបូមខ្សាច់ នេះ ជាប្រភពហិរញ្ញវត្ថុមួយដ៏សំខាន់សម្រាប់ប្រធានមន្ទីររ៉ែនិងថាមពលនិងថ្នាក់ដឹកនាំខេត្ត ក៏ដូចជាឈ្មួញនោះតែម្ដង។ ហេតុដូច្នេះហើយបានជាគេមិនចាំ បាច់ត្រូវការច្បាប់ទម្លាប់អ្វីជាសំខាន់នោះ។ រីឯអាជ្ញាធរខេត្តពោធិ៍សាត់ ក៏ធ្វើមិនដឹងមិនឮ ក្នុងរឿងខ្សាច់នេះដែរ។ ប្រភពបានឲ្តទៀតដឹងថា ក្រៅពីរកប្រយោជន៍ចែកគ្នាសម្រាប់ស្ថាប័នជំនាញក្នុងខេ […]
ខុសច្បាប់ដោយជ្រកក្រោមស្លាកឆ្នោតខ្មែរ ចាស់វស្សាឈ្មោះ ស្រី រត្ន័ នៅតែបន្តបើកយ៉ាងរំភើយដោយសមត្ថកិច្ចមូលដ្ឋានអធិការខណ្ឌច្បារអំពៅ មើលពុំឃើញនោះទេ ភ្នំពេញ : សេចក្តីរាយការណ៍ពីបងប្អូនប្រជាពលរដ្ឋក្នុងមូលដ្ឋានខណ្ឌច្បារអំពៅ បានប្រាប់អង្គភាពយេីងអោយបានដឹងថាក្រោយពីបណ្តាញព៍ត័មានជាច្រើនបានធ្វើការផ្សព្វផ្សាយជាក់ស្តែង ល្បែងកន្ទុយលេខឬ ឆ្នោតវៀតណាមខុសច្បាប់ដែលជ្រកក្រោមស្លាកឆ្នោតខ្មែរ ដោយមានម្ចាស់ទីតាំង ឈ្មោះស្រី រត្ន័ ដែលមានទីតាំងភូមិព្រែកធំ១ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ នៅតែបន្តបើកលេងជាធម្មតា។ ល្បែងចាក់ឆ្នោត ដែលហៅថាល្បែងកន្ទុយលេខឬឆ្នោតវៀតណាមខុសច្បាប់ កំពុងរីកដុះដាលក្នុងខណ្ឌច្បារអំពៅ ចំណែកលោក ម៉ៅ សឿត អធិការខណ្ឌនគរបាលច្បារអំពៅ ហាក់មិនមានវិធានការសោះឡើយរឺមួយក៏អជ្ញាធរសមត្ថកិច្ចនៅតំបន់នោះបានសើមមាត់សើមករនិងសំណែនរបស់មេល្បែងទាំងនោះបានជាធ្វើមិនដឹងមិនលឺគ្មានចំណាត់ការបង្ក្រាបទាល់តែសោះ។ ប្រជាពលរដ្ឋលេីកលេីងបន្តទៀតថា ល្បែងឆ្នោតវៀតណាមខុសច្បាប់ដែលមានស្រី្តឈ្មោះ ស្រី រត្ន័ មានខ្សែធំប៉ុណ្ណាទេីបបានជាអជ្ញាធរមិនហ៊ានបង្ក្រាប ប្រជាពលរដ្ឋសូមសំណូមពរអំពាវនាវដល់ឯកឧត្តម ឃួង ស្រេង អភិបាលរាជធានីភ្នំពេញ ឯកឧត្តម ជួន ណារិន្ទ ស្នងការនគរបាលរាជធានីភ្នំពេញ និងប្រធានគណៈកម្មការគ្រប់គ្រងល្បែងសុីសងទូទាំងប្រទេស នៃក្រសួងមហាផ្ទៃ មេត្តាដាក់កម្លាំងជំនាញមកសុីបអង្កេត ឆ្នោតវៀតណាមដ៏ធំ ជ្រកក្រោមស្លាកឆ្នោតខ្មែរ ដែលមានម្ចាស់ទីតាំងឈ្មោះ ស្រី រត្ន័ ផងទាន ! ជាការពិតណាស់ល្បែងស៊ីសងខុសច្បាប់ គឺបង្កនូវហានិភ័យ អសន្តិសុខក្នុងការរស់នៅរបស់បងប្អូនប្រជាពលរដ្ឋ ចោរលួចឆក់ប្លន់ […]
(ភ្នំពេញ) ៖ ក្រសួងសុខាភិបាល បានឲ្យដឹងថា យោងតាមលទ្ធផល ទទួលបានពីវិទ្យាស្ថានជាតិសុខភាពសាធារណៈ នៅថ្ងៃទី៩ និងថ្ងៃទី១០ ខែកុម្ភៈ ឆ្នាំ២០២៤ បានបញ្ជាក់ថា មានករណីជំងឺអឹមផក(Mpox ឈ្មោះដើម ជំងឺអុតស្វា) ចំនួន ៣ករណីបន្ថែមទៀត មានទីលំនៅនៅខណ្ឌដង្កោ ខណ្ឌទួលគោក និងខណ្ឌពោធិ៍សែនជ័យ រាជធានីភ្នំពេញ និងបានដាក់ឱ្យព្យាបាលនៅមន្ទីរពេទ្យត្រឹមត្រូវ។ ដូច្នេះជំងឺអឹមផក ដែលបានរកឃើញសរុបមានចំនួន ៩ករណី។ ក្រសួងសុខាភិបាលសង្កេតឃើញថា និន្នាការនៃការចម្លងជំងឺអឹមផកនៅព្រះរាជាណាចក្រកម្ពុជាយើងមានការកើនឡើង ស្របគ្នានិងនិន្នាការនៅលើសកលលោក។ យោងតាមការផ្សព្វផ្សាយរបស់អង្គការ សុខភាពពិភពលោក នៅថ្ងៃទី២៥ ខែមករា ឆ្នាំ២០២៤ ជំងឺអឹមផកបាននិងកំពុងផ្ទុះរាលដាលក្នុងប្រទេសចំនួន ១១៧ ដែលក្នុងនោះមានករណីឆ្លងជំងឺអឹមផកសរុបចំនួន ៩៣,០៣០នាក់ និងករណីស្លាប់ចំនួន ១៧៦នាក់ នៅលើពិភពលោក។ អាស្រ័យហេតុនេះ ក្រសួងសុខាភិបាលបានអំពាវនាវ និងក្រើនរំលឹកដល់ ប្រជាពលរដ្ឋទាំងអស់គ្នា ត្រូវយកចិត្តទុកដាក់ប្រុងប្រយ័ត្នថែរក្សាសុខភាពផ្ទាល់ខ្លួន និងក្រុមគ្រួសារ ដើម្បីបង្ការនូវការរីករាលដាលជំងឺអឹមផកជាចង្កោម ឬទ្រង់ទ្រាយធំជាយថាហេតុ ដោយចូលរួមស្វែងយល់នូវរបៀបចម្លង និងត្រូវអនុវត្តនូវវិធានការបង្ការយ៉ាងម៉ឺងម៉ាត់ដូចខាងក្រោម៖ វីរុសអុតស្វា ឆ្លងពីមនុស្សម្នាក់ ទៅមនុស្សម្នាក់ទៀត តាមរយៈការរួមភេទគ្រប់ទម្រង់ ជាមួយអ្នកជំងឺ អឹមផកនិងការប៉ះពាល់ដោយផ្ទាល់នឹងកន្លែងមានដំបៅ […]
