(បាត់ដំបង) ៖ ក្រុមយុវសិស្សវង្វេងសាលា ចំនួន ១៤ នាក់ទៀត ត្រូវបានកម្លាំងសមត្ថកិច្ចឆ្មក់ចូលទៅប្របួចកអូសចេញពីក្នុងតូបលក់បាយ និងគ្រឿងភេសជ្ជៈមួយកន្លែង នៅក្បែររបងខាងកើត «វិទ្យាល័យសម្ដេចឪ» កាលពីវេលាម៉ោង ០៣ រសៀល ថ្ងៃទី៣១ ខែឧសភា ឆ្នាំ២០២៤ នៅក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខណៈពួកគេគេចមិនចូលសាលាហើយប្រមូលផ្ដុំគ្នាសម្ងំនៅទីនោះ ។ អធិការក្រុងបាត់ដំបង លោក ពេជ្រ សារ៉ែន បានឱ្យដឹងថា ក្រុមយុវសិស្សទាំង ១៤ នាក់នេះ បានប្រមូលផ្ដុំគ្នានៅក្នុងតូបលក់បាយខាងលើ ដែលនៅម្ខាងផ្លូវ នៃរបងវិទ្យាល័យ មិនព្រមចូលរៀនទើបគ្រូបង្រៀនប្ដឹងឱ្យសមត្ថកិច្ចជួយអន្តរាគមន៍ បំបែកសំបុកក្រុមសិស្សវង្វេងសាលាទាំងនេះយកទៅអប់រំ ។ បើតាមប្រភពព័ត៌មានពីប្រជាពលរដ្ឋដែលតែងធ្វើដំណើឆ្លងកាត់ទីនោះ បាននិយាយថា តូបលក់ដូរប៉ុន្មានតូបនៅខាងកើតរបង «វិទ្យាល័សម្ដេចឪ» គេតែងសង្កេតឃើញមានយុវសិស្សទាំងប្រុស ទាំងស្រីចូលទិញឬប្រមូលផ្ដុំគ្នាយ៉ាងពពាក់ពពូននៅតាមតូប ព្រោះនៅទីនោះស្ងាត់ហើយមិនសូវមានអ្នកដំណើរឆ្លងកាត់នោះទេ ។ ប្រភពដដែល បានបញ្ជាក់ថា ស្ទើររៀងរាល់ថ្ងៃ ពេលខ្លះគេឃើញក្រុមយុវសិស្សមួយចំនួន នាំគ្នាជក់បារីអេឡិចត្រូនិក (ជក់វ៉េប) និងផឹកស៊ីរហូតដល់យប់ក៏នៅតែមានផ្ដុំគ្នាដែរ ដែលគេសង្ស័យថា ក្រុមយុវសិស្សទាំងនោះអាចឈានដល់ការប្រើប្រាសគ្រឿងញៀនទៀតផង ។ លោក ពេជ្រ […]
រដ្ឋសភាបោះឆ្នោតអនុម័តទាំងស្រុងលើសមាសភាពគណៈរដ្ឋមន្ត្រីថ្មី ដែលមាន ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រី រដ្ឋសភាបានបោះឆ្នោតអនុម័តទាំងស្រុងលើសមាសភាពគណៈរដ្ឋមន្ត្រីថ្មី ដែលមាន ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រី។ ការបោះឆ្នោតនេះ ក្នុងសម័យប្រជុំលើកទី១ នីតិកាលទី៧ នាព្រឹកថ្ងៃទី២២ ខែសីហា ឆ្នាំ២០២៣នេះ។ សមាសភាពគណៈរដ្ឋមន្ត្រីនេះ មានឧបនាយករដ្ឋមន្ត្រីចំនួន ១០រូប ព្រមទាំងមានទេសរដ្ឋមន្រ្តី និងរដ្ឋមន្ត្រី ៤០រូបផ្សេងទៀត ភាគច្រើនជាយុវជនបន្តវេន ដែលរៀបចំឡើងដោយគណបក្សប្រជាជនកម្ពុជា។ សម្រាប់តំណែងឧបនាយករដ្ឋមន្ត្រី ទាំង១០រូបនោះ រួមមាន៖ លោកឧបនាយករដ្ឋមន្ត្រី នេត្រ សាវឿន, ឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ, ឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ, ឧបនាយករដ្ឋមន្ត្រី វង្សី វិសុទ្ធ រដ្ឋមន្ត្រីទទួលបន្ទុកទីស្តីការគណៈរដ្ឋមន្រ្តី, ឧបនាយករដ្ឋមន្ត្រី កើត រិទ្ធ រដ្ឋមន្ត្រីក្រសួងយុត្តិធម៌, ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម […]
(ស្វាយរៀង) ៖ ភ្លៀងមួយមេធំ លាយឡំខ្យល់កន្ត្រាក់ បង្កឱ្យរលំអគាររោងចក្រ ចំនួន ០២ខ្នងរាបដល់ដី បណ្តាលឱ្យកម្មករសំណង់ ០៤ នាក់ រងរបួសធ្ងន់ ហើយត្រូវបានបញ្ជូនទៅមន្ទីរពេទ្យខេត្តស្វាយរៀង និង ០៣ នាក់ផ្សេងទៀត រងរបួសស្រាល បញ្ជូនទៅមន្ទីរពេទ្យបង្អែកជីភូ ដើម្បីព្យាបាល ។ ហេតុការណ៍នេះ បានកើតឡើង នៅវេលាម៉ោង ៧ ៖ ៣០ នាទីយប់ ថ្ងៃទី១៣ ខែឧសភា ឆ្នាំ២០២៤ ស្ថិតនៅក្នុងភូមិព្រៃគគីរ ឃុំព្រៃគគីរ ស្រុកចន្ទ្រា ខេត្តស្វាយរៀង ។ បើតាមអាជ្ញាធរស្រុកចន្ទ្រា បានឱ្យដឹងថា មានភ្លៀងមួយមេធំ លាយឡំខ្យល់កន្ត្រាក់យ៉ាងខ្លាំង បណ្តាលឱ្យគ្រោងដែកសាងសង់អាគាររោងចក្រ ០២ ខ្នង (ទទឹង ៨១ម៉ែត្រ បណ្ដោយ ១៦២ម៉ែត្រ) កំពុងតែសាងសង់ថ្មី ដួលរលំខូចខាតទាំងស្រុង ស្ថិតក្នុងតំបន់សេដ្ឋកិច្ចពិសេសតាយសេងបាវិត ដែលមានកម្មករសំណង់នៅទីនោះរងរបួស ចំនួន ០៧ នាក់ ក្នុងនោះរបួសធ្ងន់ ០៤ នាក់ […]
